Denique imperator itaque discedens Mediolanumque se
velle ire disponens, cum ad pontem, qui dicitur de Cassano,
qui supra Adue flumen positus fuerat, pervenisset indeque
per eum transire voluisset, quam plures Mediolanenses una
cum multis villanis ex alia pontis parte supra ipsius fluminis
ripam imperatori obviam fuere transitumque per pontem
ipsum ei contradixere. Imperator namque et onmis eius
exercitus hoc prospiciens nesciensque etiam, qua parte possent
tunc ipsum flumen transire, valde condoluit. Boemenses
itaque una cum maxima Teotonicorum parte deorsum a ponte
iusta ipsum flumen deambulantes tamdiu perrexere, quousque
ad quendam locum venere, ubi aqua eis videbatur parva,
quod satis inde ipsum flumen transire per ipsam aquam putaverunt.
Cum autem ibi pervenissent, statim intus se, ac si
nulla tunc ibi esset aqua, proiecerunt multique ex ipsis cum
equis et aliis armis in ipsa aqua periclitaverunt; alli vero
ex alia fluminis parte foras exeuntes versus Mediolanenses
vexillis levatis ire ceperunt. Mediolanenses igitur, ut eos
ultra flumen transire et contra ipsos venire a longe prospexerunt,
|
1
5
10
15
|