Pag 136

28. De oe. Oe, ut foedus pro pacto; foedus enim quod
est pactum cum oe diptongo, sed fedus pro deformi per e
solam scribi debet.
29. De au. Au, ut aurum.
30. De eu. Eu, ut Eurus.
31. Quare inuentae diptongi. Sciendum est autem diptongos
duabus causis esse inuentas, uidelicet causa differentiae,
ut quae per diptongum a que coniun < c > tione discernatur;
uel causa breuitatis, ut significatio duarum partium
in una dictione conglutinetur, ut celum idem ualet quam
"casa elyos".
32. Quare subtrahantur diptongi. Ergo cum tanta utilitate
inuentae sint diptongi, quare subtrahuntur in quibusdam
dictionibus?
33. [ Solutio. Causa melioris sonoritatis. Pulchrius enim
sonat celum, nec est ibi tantus hiatus oris.
34. Nota. Et sciendum, quod nulla diptongus in duas
consonantes potest desinere; in duplicem uero inuenitur, ut
faux faucis et faex faecis.
35. Alia nota. Hoc quoque notandum, quoniam omnis
diptongus semper est longa. Quare? Quia, sicut quidam non
sine ratione dicunt, singulae earum unum et semis te<m>pus
habent; ideoque, si consequatur consonans, quae dimidium
tempus habet, omnino producitur. Inuenitur tamen diptongus
haec i<n> media dictione correpta tunc, quando compositae
dictionis antecedentis in fine est sequente uocali, ut
praeustis; unde Virgilius: ] Stipitibus duris agitur sudibusue
praeustis.
36. [ De regula. Regula quippe cognoscuntur syllabae.