49 Excipitur quoque "uetus, uetustas" et "uenus, uenustas". 50
Excipiuntur etiam in or desinentia, que mutant or in es et
assumunt tas , ut "maior, maiestas", "honor, honestas". 51 Sunt alia
denominatiua plerumque similia accusatiuis primitiuorum et
communia, ut "primas", "optimas", "Rauennas", que ideo in fine
circumflectuntur, quia per sincopam ti proferuntur; perfecta
enim eorum apud antiquos inueniuntur, "hic" et "hec optimatis",
"primatis", "Arpinatis", et neutra in e . 52 Quecumque igitur
sincopam patiuntur, eundem accentum seruant in ultima quem
habuerunt in penultima, id est circumflexum, ut "fumat" pro
"fumauit", "audit" pro "audiuit", "duc" pro "duce", "illic" pro "illicce",
"istic" pro "isticce" . 53 Inueniuntur etiam propria in fine circumflexa,
causa differentie, ut "Lenas", "Menas", propter "menas" pisces
et "lenas" meretrices. 54 In es correptam pauca inueniuntur
denominatiua, "equus, eques", "pes, pedes", et uerbalia, "tego,
teges", "mergo, merges". 55 In es productam , a "sepio" "sepes", a
"luo" "lues", "struo, strues", "macero, macies", "luxurio, luxuries",
"illuo, illuuies", "rupi, rupes". 56 In is diuerse habentur forme,
|
|