Nunc gentem Ligurum pulsant feritate Sicambri,
Edificant Paduam, cui litora porrigit ampnis
Et Terguisinos Ylliricosque sinus.
. . . . . . . . . . . . . . . . . . . . . . . . . . . . . .
De Sicambris.
Climata Baguarica Troiana Sicambria vicit,
Et Carentani nunc efficiuntur amici,
Valle Tridentina fit nova facta via.
. . . . . . . . . . . . . . . . . . . . . . . . . . . . . .
De Sicambris, qui et Germani postea erunt, contemporanei.
Nunc Mediolanos socios habuere Sicambri,
Viribus illorum suffulti pluribus annis,
Tunc Brixanorum preripuere solum.
. . . . . . . . . . . . . . . . . . . . . . . . . . . . . .
De Sicambris illius temporis.
Progenies Priami Ligurum capit undique plana,
Amodo montana satagit captare Cumana,
Qua valide trutte vivere semper amant.
50. De Aremo Silvio rege Albanorum contemporaneo [et de Sicambris].
. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
[Per idem tempus Sicambri impugnant Baguariam] . . . . . . . . . . . . . . . . . . . . . . .
[56. De Procace rege Albanorum et de Sicambris per idem tempus.
In diebus Salmanasar et filii eius Sennacherip Sicambri obtinent Baguariam usque
Ratisponam, et tunc Procax rex Albanorum regnabat in Latio.]
. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
PARTICULA XV.
1. In diebus transmigrationis Babilonie incipit Roma princeps principum
et domina dominantium.
Summa fit ex minima sub Martis sidere Roma etc.
25. De origine Suevorum et natura eorum et de actibus eorum et Senonum Gallorum.
Acta Suevorum post hec et bella canemus,
Gallorum Senonum gentem secum referemus;
Hic loquar, unde fuit gens et origo sui.
Que bona, qui mores sibi sint, quo gaudet honore,
Qua regione sedet, quo sit recolenda decore,
Cur prior in bello signa vel arma movet.
Orbe Macedonico peperit natura Suevos;
Tempore grandevos, proceres, ad prelia sevos,
Ingenio validos littera narrat eos.
Terra Suevorum prius extitit Ytalicorum;
Mucro Macedonicus populos eiecit eorum,
Marteque preripuit plaga Sueva solum.
|
|