Cap. LVII.
Capitaneus mandat exercitum congregari, juxta
mandatum Imperatoris sibi factum.
Cum ad expugnandum de syncero corpore
Imperii rebellionis inveteratae fermentum,
et infidelium reliquias conterendas,
nos bellum indicere et exercitum congregare
de jurisdictione nostra jusserit Imperatoria
Celsitudo: ut ad secundum ejus
mandatum nobis in brevi non praefinito
tempore faciendum, contra rebelles suos
cum victorioso exercitu in adjutorium Imperialibus
viribus exeamus viriliter et potenter,
oportet nos diem mandati subito praevenire:
ut nos, et vos paratos hora inveniat jussionis.
Et quanquam ad tam opus laudabile,
fidelium solatium et quietem, vos sine mandato,
vestra devotio animet et incitet nostra
fides: nos autem circa ea, quae commissum
nobis exposcit officium, et Imperialis
programmatis mandat autoritas, inveniri
nolentes in aliquo desides vel remissi:
universitatem vestram affectuose requirimus,
Imperiali, qua fungimur in hac parte, vobis
autoritate firmiter et districte praecipiendo
mandantes, quatenus in equis, armis tentoriis,
tribochis et aliis necessariis, sic vos
paretis celeriter et decenter, ut quandocunque
nuncio seu literis [fueritis requisiti, ad nos