domno imperatori fideliter intimarent. sed [ad hęc perficienda
quadam ratione] illis differentibus, [Deumque omnipotentem, ut
ipse causam suę gloriosissimę Genitricis domus dirigeret utilius,
assiduis suspiriis et pręcibus frequentissimis supplicantibus,] tandem
prędictus abbas, a plurimis [de negligentia correptus,] coactus incohavit
in monte ęcclesię magnum opus, [atque sccundum suprascriptas
constitutiones, statutis operariis, iussit diligentius et
totis nisibus laborare.] sed Deus omnipotens, [cuius quidem
aliquando iudicia sunt occulta, nunquam vero iniusta,] qui misericorditer
consuevit nobis tribuere meliora quam petere sciamus
dona quique suę melius providet causam Matris integerrimyę,
pręfati abbatis finem imposuit actioni prodigę. nam per dies
quinque febribus correptus est. iamque in extremo positus,
satis ore penitens compungitur, [et si deinceps foret victurus, in
omnibus se spopondit emendaturum ] sed die altero, omnipotentis
Dei iudicio [occulto, prius abunde pastus, est] subito [pręfocatus,
et] obiit [sine sacrę viatico communionis. namque cum
infra os eius sacrum munus esset immissum, non interius receptum
sed foras est continuo ab eo cum abundanti saliva repulsum.
continuoque est mortuus,] anno dominicę incarnationis
millesimo .XCVIIII., mensis martii die .XXV., feria etiam .VI. post
caput ieiunii, hora quoque sexta diei.
Huius quoque abbatis concessiones de huius rebus monasterii
factas hinc iam referre curemus fideliter.
In villa Bucciniani concessit quasdam res sextariorum .XV.
pro solidis .XXIIII. in Quadrivio modia .III. et medium pro solidis
.XII. in Cannitulo modium .I. et sextaria .II. pro solidis .XII.
in Serrano modia .V. et medium pro solidis viginti duobus. in
Turano modia .XII. pro prętio librarum trium. item, in Cannitulo
modium .I. et sextaria .VIIII. pro solidis .VI. in monte Cardonis
.II. modia pro solidis .VIII. in Montopulo et in Sorbiliano
modia .IIII. pro solidis .XIII. in Nazano modia .II. pro solidis .VIII.
in Cutri modia .II. pro solidis .X. in Ortisiano et in rivo Torto
res et aquimolum ad Scoplum pro solidis .XX. in pertinentia
|
|