Cap. VI.
Eidem de refectione cujusdam pontis.
Ad evitanda discrimina generalis incommodi,
quae in transeundis aquarum
decursibus, dum ex fluviali maxime
turgescunt alluvia, humanis persaepe casibus
ingeruntur, artis artificis providit antiquitas,
ut in fluvialibus locis deputatis ad transitum,
utriusque compaginata commoditas, minantis
aquae prostrata superbia, per pontium
tramites viatoribus pandat iter, etc. Ad quorum
constructionem, necnon ad reparamenta
viarum, quae itinerantibus necessario frequentantur
etiam sine mandati oraculo, tanto
libentius debent aspirare derideria subditorum,
quanto per id generalis utilitas tangitur, et
multa personarum pericula rerumque discrimina
praecaventur. Cumque nuper ad audientiam
nostram pervenit, quod flumen situm in
jurisdictione tua, propter inundationes aquarum,
sic se pro tempore protendat horribile, ut
nullus hincinde transire volentibus obsecundet:
volentes inhabitantibus provinciam
de consensu nostrorum fidelium, sed
praecipue, quorum fidei suae meritis libenter
commoda quaerimus, tam benigne quam
salubriter providere: fidelitati tuae praecipiendo
mandamus, quatenus universitatem civitatis