preteritum, "facio, feci", "iacio, ieci". 8 Ex his composita cum prepositione,
quamuis in presenti a in i mutent, tamen in preterito
simplicis regulam seruant, ut "efficio, effeci", "abicio, abieci"; cum
alia uero parte, seruant a , ut "calefacio, calefeci", "stupefacio,stupefeci",
"suefacio, suefeci"; inuenitur tamen etiam "icio, icis" (simplex)
et "ico". 9 Que uero i habent ante cio , i in e conuertunt et
cio in xi , ut "aspicio, aspexi", "illicio, illexi"; excipiuntur "elicio,
elicui", "pellicio, pellexi" et "pellicui" antique; "allicui" etiam inuentur.
10 Supina faciunt, que habent a ante cio , a presenti io in
tum conuersa, ut "facio, factum", "iacio, iactum". 11 In omni enim
uerbo, siue sit penultima a siue antepenultima, seruatur a in supino,
quamuis mutetur in preterito, ut "ago, egi, actum". 12 Ex
his composita, si mutant a in i in presenti, in supino a in e conuertunt,
ut "factum, infectum"; excipitur "occasum" et illa que
componuntur a uerbis in go , que seruant a , ut "exactum", "impactum",
"contactum", "infractum". 13 Que uero xi habent, xi in ctum
conuertunt, ut "aspexi, aspectum"; "elicui" uero "elicitum" fecit. 14
In dio unum "fodio, foci" et ex eo composite; supinum eius
|
|