Hugo Bononiensis: Rationes dictandi prosaice

Pag 61


anteposito subscribantur, uel adiectiuorum medietati nomen
interseratur, idem ualere a nobis affirmatur. uerbi gratia:
D diuine humaneque phylosophie munere predito, amico carissimo,
V sibi amicissimus quicquid in mundo utilius.
uel uite integritate,
morum honestate plenissimo D V suorum amicorum intimus
intime dilectionis uinculum.
uel genere claro, litteris erudito,
D uita moribusque fulgentissimo, V salutem et sinceritatis
affectum.

Et hec actenus. nunc ad salutationes reuertamur.
A papa ad imperatorem.
Sciendum est itaque, si papa imperatori uel alicui
mittat, quod seruum seruorum dei se ipsum nominat, hoc
modo: C episcopus servus seruorum dei H Cesari Romanorum
imperatori augusto dilecto in Christo filio salutem et apostolicam
benedictionem.
uel: H Cesari imperatori inuictissimo regni
concordiam, inimicorum uictoriam et eternitatis gloriam.

Si uero hostis ecclesie: salutem pro merito , uel salutem
cum meruerit
, uel malorum conpunctionem seu abrenuntiationem,
equitatis et pacis dignam imitationem.

Ab imperatore ad papam.
C romane sedis uel prime sedis pontifici dei gratia patri
uniuersali H Cesar licet indignus Romanorum inperator augustus
debite subiectionis reuerentiam.

Ab episcopo ad papam.
C dei gratia patri uniuersali, uel prime sedis pontifici, uel
beate memorie pape, V peccator bononiensis ecclesie episcopus salutem
et reuerentiam,
uel subiectionem, uel subesse perpetuo.

Torna all'inizio