quadam furoris accensos. Quod factum est,
ut sic prospere, sic undique nostra potentia
pertingat obsessos, quin potius carceratos detineat,
ut sola se valeant spontanea gladii
morte subducere, vel excelsae rupis ex parte
maritimae precipitio liberare. [Quae vobis significamus
ad gaudium, quos probabiliter credimus,
imo scimus, nobis in nostris adversitatibus
compati, et in prosperitatibus successuum
congaudere].
Cap. XI.
Militibus suis, ut de stipendiis non missis, ne
murmurent, promittendo providere eis magnfice.
Etsi stipendiorum defectus, quem pati vos
hactenus in servitiis nostris oportuit,
gravis nobis extiterit et infestus, gravitatem
ejus si diligenter advertitis, causa duplex
alleviat. Prima quidem quod nobis, et familiae
nostrae necessariorum suffragiis, hactenus
more solito, non porrectis, dum reddit
malitia temporis nos subditis super hoc quodammodo
non impari necessitate consimiles,
passibilem vobis facere debuit egestatem.
Secundo, quod dum laborum et necessitatum
instantia, de qua vobis [Deo teste] compatimur,
debita consideratione pensatur, ad
vestrum cujuslibet commoda, nostrae liberalitatis
dexteram, hujusmodi gratitudo servitii,