sompnium et refferre plurima, que litteris
non audeo annotare".
"Speciosa forma pre filiabus hominum,
grates decem milia ex parte vestri fidelissimi habeatis,
scientes procul dubio, quod vestri amoris
vinculum me tenet indissolubiter colligatum,
unde quicquid precipere placet, paratus sum effectui
mancipare".
Pone, quod ista nupserit alii nec velit eum ulterius
diligere, unde illi taliter scribit:
"Amoris vestri vinculum per effectum operum
dissolvatur, quoniam nupsi viro, qui me
maritali annulo subarravit, cinxit collum
meum lapidibus preciosis deditque vestes auro
et gemis plurimum renitentes, unde non possum
nec debeo tecum more solito iocundari".
"Plorans ploravi nec plangere desistam et
in tenebris meum stravi lectum, quia obscuratum
est michi candelabrum, quo videbar inter
gloriosas militum catervas multimode refulgere:
unde sciatis, quod si montes et maria cum viro
vestro transiveritis, sequar vos, ut quandoque
saltem videre valeam desiderium anime mee".
Pone, quod antequam nubat, efficiatur gravida,
unde taliter scribit amasio suo:
|
|