[12.] Igitur imminente tanto discrimine providit archiepiscopus
vocare suum a Germania cesarem sperans illum futurum
auxiliatorem. Veniens autem Veronam imperator
indeque Mediolanum honorabiliter die primo suscipitur. In
crastinum tumultuante ac vociferante in eum populo graviter
offenditur. Audierant enim regem Laudensi iure defraudasse
Heribertum. Quod augustus dissimulans Papiam adiit. Ubi
cum generale statuisset colloquium, concinnato dolo cepit
ac tenuit archiepiscopum Aquilegensi tradens patriarche
custodiendum. Ecce Mediolanensis attonita inhorruit civitas
proprio viduata pastore dolens ac gemens a puero usque
|
|