minus ad presens dirigere, plurimum rogando quatinus que mittere valui placide accipiatis ipsosque utiliter expendere, ac minime turpiter, studeatis.
4
M. G. peramans genitor, B. sue senectutis baculo paterne benedictionis affectum. – Ut sol Cinthia et sideribus iubar clarior sic equidem scientie cunctis virtutibus fulgor habetur prestantior. Illa namque inopes ditantur [et] inferiores sublimantur necnon ignari clarificantur. Age, nate dolcissime, te nimium exoramus et exorando imperamus, quatinus prudentium collegia studia acquirere, atque a magistri lateribus quoat licitum tibi sit, minime discedere, ut cum redieris nostra omnis parentela gaudeat et tota nostra civica te alacriter recipiat.
5
R. Suo genitori dolcissimo G., B. filialis reverentie famulatum. – Ceu infans matris verbam et aquam tellus petit arida sic equidem omnis animus, karissime genitor, vestra cupit eloquia. Illa namque melli flavo dulciora ceterisque rebus videntur prestantiora. Quapropter ea humaniter pro posse imitabor et omnibus modis incessanter obedire conabor. Vestram itaque benignitatem nimium exoro quatinus mihi necessaria porrigat, ut centuplum in brevi, annuente Domino, recipiat.
6
M. G. mestissimus genitor, B. olim filio nunc turpissimis moribus degenerato salutem cum meruerit. - Quanto dolore ac gemitu, quot
|
|