contracta ex plenitudine nervorum vel incrossata, filo subliga
et sic curabis et gargarismatibus utaris ut supradiximus in uve
passione.
De dentibus. — Humor iste flegmaticus ad dentes descendit et nimium
parit dolorem. Statim pulegium, olibanum et ladanum diu
bullire facias et paciens fumum per os et nares recipiat. Item forte
acetum cum pulvere gallarum diu bullias; deinde patiens calidum
in parte doloris teneat et sic dolor mitigabitur. Caput purgium
eis diligenter naribus applicatum prodest. Quidam ponunt
paulinum super dentes et timpora, et confert eis. Scabiosa trita et
superposita dentibus dolorem fugat. Vel in vena pulsatili iuxta timpora
usturam facias cum sulfure ibi posito et candela succenso.
Contingit sepe mulieribus que cerusa faciem liniunt quod gingive
fortiter corroduntur, quibus sic providendo inungo: psilotrum siccum
cum pulvere cinnamomi mixturn et gingivis inmissum sanat
et cicatrizat. Si forte dentes ceciderint, intromittas et masticem
tuis dentibus tritum quasi emplastrum super eos pone et consolidabuntur.
Sed hic pulvis vehementer consolidat: recipe simphitum,
gallas, cinnamomum, masticen et olibanum, in pulverem redige
et inter dentes super gingivas fortiter imprime.
De arteriacis. — Arteriaca passio ex flegmate, vel melancolia ,
vel colera nascitur; sed cum ex flegmate nascitur et melancolia,
satis excreant, ex colera vero non, sed habent raucedinem cum vocis
debilitate. Sic ergo provideas cum de flegmate oritur et melancolia:
cum urina eorum alba fuerit et tenuis, primo loco inungas
collum butiro vel dialtea et purgabis eos cum yera pigra Galieni;
deinde fac eis gargarismata de staphisagria et piretro vel de
unoquoque per se cum aceto fortissimo et melle. Caput purgium
omni passioni capitis aptum iuvat arteticos ex tali materia: recipe
euforbium, piretrum, staphisagriam, sinapim, elleborum album,
mirre, masticis, olibani, terebintine, resine, omnium X ana ÷ II,
conficiantur cum aceto et teneat patiens in ore et masticet ut masticen,
et postea servare poteris per annum et uti eo. Accipiant
pillulas ex V supradictis compositas, videlicet olibano, mirra, castoreo,
jusquiamo et opio. Si ex colera fuerit, similiter de dialtea
vel butiro conficias eis pillulas cum visco, psillio, dragaganto, gummi
arabico et seminibus portulace, malve et citoniorum, papaveris
albi, lactuce, scariole, portulace et similium; facias dragagantum
quasi de nihilo; sic dragagantum in aqua pone et mane per
pannum cola et in colatura illa gummi cum amido tritum pone et
utere; poteris etiam addere supradicta semina.
De synancia. — Flegmatica iterum materia et sanguinea facit
in faucibus sinantiam. De dialtea vel butiro partes extrinsecas mollire
facias; poteris uti minutione sub lingua et scufas post occipitium
ponere. In ore mel rosaceum teneant ut mundificetur e putredine
locus. Si fuerit sinantia que circa tracheam locum parat,
similiter minutionern facias, provoces gargarisma de mitridato vel
tiriaca cum vino distemperatis; caveas ab aliis gargarismatibus ne
|
|