verbi, petii. Nichilominus tamen me multum letificasset bone promissionis
amica responsio, et maxime cum desiderarem audire, ex qua
causa percusserit nos Dominus plaga inimici tam crudeli castigatione,
et ad quem finem perducet ipsa dura oppressio, et qua ratione percusserit
nos Dominus per Sarracenos, per homines habentes tam perfidam
fidem, qui totam curiam celestem tam manifeste blasphemat.
Et cum non responderent michi per alium certum nuncium, cogitavi
de Dei bonitate confisus, de libris sanctis a Deo michi responsionem
mee admirationis expetere.
Et quum esset coram me clausus Liber moralium beati Gregorii, a
Deo petii responsionem ex doctrina beati Gregorii, cui etiam singulariter
inscripseram in mea comploratione. Orans igitur dixi: «O sancte
Gregori, postquam non vultis michi per certum nuncium respondere
aut per novas literas, rogo te, ostende vel per antiquam doctrinam
tuam, quare Deus michi non respondeat, maxime cum sim in tanta
amaritudine anxius etiam divine responsionis». Et tunc audivi vocem
quasi in corde meo quam ego […] dicens:
«Tolle, lege, tolle, lege!» Et cum librum subito aperirem, apposicione
digiti et oculorum aspectui «pparuit michi una facies eloquiorum
castorum, in qua toti sic mee questioni respondit Dominus per
servum suum Gregorium, ut non oporteat questionem nostram apud
alium iudicem ventilari. Occurrit enim illud in (Iob., XIX, 13-14)
Adversus eum contendis quod non ad omnia verba responderit tibi? Semel loquitur Deus, et secundo ad ipsum non repetit. Quod exponens Gregorius,
a quo michi responderi petiveram, dicit: Afflicti cordis est proprium
ut in omne, quod appetit, et tamen non rerum ordinem contrarium
sensit, si possit fieri, cur ita vel non sit ita, Dominus sibi vocibus
responderi velit. - Heliu autem, previdens quod scripturam sacram Dominus
conderet, ut in ea vel publice vel occulte cunctorum questionibus responderet,
ayt: ADVERSUS EUM CONTENDIS etc. Et post: SEMEL LOQUITUR
DEUS etc. ac si aperte diceret (Deus): singulorum cordibus privatis vocibus
non respondit, sed tale eloquium construit, per quod cunctorum
questionibus satisfecit. In scripturis quippe causas nostras, si requirimus
invenimus. - Ibi enim nobis omnibus in eo, quod specialiter patimur,
comuniter respondetur, ibi vita precedentium sit forma sequencium etc. Et
post pauca repetit beatus Gregorius dicens: SEMEL LOQUITUR DEUS
ET SECUNDO AD IPSUM NON REPETIT, quia in hiis que per Scripturam
Sacram ad patres nostros protulit nos erudire procuravit. Discant itaque
|
|