usque in Indiam. portantes. piper. gingiber. cinamonium sive canellum et
alias preciosas species: habet autem magnam latitudinem plusquam per
quingenta miliaria in una parte et in alia parte plusquam per mille. ut
audivi a Saracenis. a quibus per interpretem seu turcimannum meum
interrogavi: sed illud mare non facit magnas inundaciones. quia non habet
magnas profunditates. et eciam quia aer. partibus orientalibus. non recipit
tantorum ventorum agitaciones. sicut in occidentalibus. nec tantas grandines.
nec tempestates. cum Oriens sit melior pars mundi. et. quanto magis
appropinquimus paradiso terrestri. qui est in Oriente. tanto magis desistimus
a peregrinis impressionibus. In isto mari intravi et lavi me. in
memoriale perpetuum.
Super istud lacus maris. apparent vestigia. ubi Pharao cum omni populo
suo submersus est. et sunt ivi ossa in magna quantitate juxta mare
et in cavernis moncium repercussientium mare: et est ibi locus. ubi Maria.
soror Moysi. canticum fecit pulcherrimum. quod incipit: Cantemus Domino
gloriose etc. et cantatur cotidie in Ecclesia cum aliis psalmis. et est
ibi lapis magnus. super quo stetit Maria loquens populo et admonens.
ut debetur. laudare Deum.
Prope Mare Rubrum ad tria miliaria. est Helym. de quo legitur:
Venerunt filii Israel in Helym. ubi erant Xij fontes per Xij meatus. sive
foramina: et ego lavi manus meas ad omnes fontes. et ego bibi de aqua
omnium fontium: est enim quasi calida et est aliqualiter amara. non bene
dulcis: fort amisit dulcedinem propter peccata populi murmurantis contra
Deum. Et. inter Helym et montem Synay. est locus. ubi primo Deus pluit
manna de celo. de quo saturavit populum XL annis in deserto et ibi misit
coturnices. populo murmurantes. ut legitur.
Juxta illos fontes. sunt LXX palme facientes datillos. et comedi de illos
datillis. et est unum magnum nemus de palmis durans per V miliaria
et plusquam. [quod] plantaverunt fratres Sancte Katherine. et inde habent
magnam utilitatem et colligunt multos datillos et de istis datillis comedunt