nec inter nos et eum durante praesenti discordia,
vocari Concilium per eundem, velut per
publicum Imperii hostem permittemus. Praesertim
cum nobis, Imperio, et terrae princibus
indecentissimum judicemus, causam
nostrorum secularium potestatum, Ecclesiae foro
subjicere, vel judicio synodali. Sed omnibus
ad ipsum Concilium convocatis, per terram
nostrae ditioni subjectam, securitatem
quamlibet denegamus. Quapropter Serenitatem
regiam precibus exoramus, quatenus ad
Praelatos omnes regni vestri,
vulgata programmata divulgetis, ut nullus
sub securitatis nostrae fiducia ad synodum
ipsam accedat. Nos enim, quantumcumque
fidelibus regni vestri, ob amorem praecipuum,
quem erga vos gerimus, libentissime deferamus:
praesumptuosam tamen temeritatem eorum,
qui prohibitionis nostrae temerarii violatores,
ad inimici nostri vocationem accedent
nos non decederet ulterius aequanimiter
tolerare.