Columbe in Sora; monasterium Sancti Mauri, et Sancti Valentini
in Atine; monasterium Sancti Donati, cum inclita valle Sorana:
et hec omnia cum omnibus sibi iure pertinentibus rebus sub tutela
Sedis Apostolice permaneant. concedimus eciam vobis vestrisque
successoribus abbatibus licenciam Apostolice Sedis nostre, ut quamlibet
Christianitatem indigentibus in predicto venerabili monasterio,
qualis episcopus ad invitandum ire volueritis, habeatis omnimodo
potestatem. similiter ad ecclesias consecrandas, et ordinacionem
de sacerdotibus, et diaconibus per tempora faciendam, et de omni
gradu ibidem adimplendum. Protestamus eciam, ut nullus episcopus
debeat exinde sacerdotem, vel diaconem ad suam synodum
provocare, nisi sua fuerit propria voluntas; aut abbatem, vel monachos
quoquomodo iudicare, vel excommunicare. Volumus eciam,
et apostolicam iniungimus auctoritatem vobis vestrisque suprascriptis
abbatibus, <ut> de qualicumque ecclesia sacerdotes, vel clericos
si venerint ad habitandum in congregacione fratrum, sive
monasticum suscipiendi habitum se contulerint, statim recipiantur.
|
|