Petrus de Vinea: Epistolarum libri VI. Tomus II

Pag 66

Tomus II


de mandato nostro vicario generali, prout asseritur,
legitime interjectam, super eo quod Theodericus
Rubeus praedictus per B. de N. coram
eodem Potestate extiterat accusatus, quod eundem
B. percusserat cum cultello, fidelitati tuae
duximus commictendam, mandantes, quatenus
totius processus et sententiae latae tenore
diligenter inspecto vel perpenso, partibus etiam
in tua praesentia convocatis, et qui de jure
fuerint evocandi, si praefatum Potestatem ordine
judiciario, et non ex officio tibi super
praemissis constiterit processisse ad confirmationem
vel infirmacionem ipsius processus et condemnationis
sententiae, prout fuerit de jure
procedas. Deinde facias, quod juri et honori
nostro videris utilius et honestius expedire.
Cap. XXVIII.
Mandat ut provideat super interclusa petitione.
Petitionem G. de N. fidelis nostri, nuper
nostro culmini praesentatam tibi transmittimus,
praesentibus interclusam: fidelitati
tuae mandantes, quatenus ipsius petitionis
tenore diligenter inspecto, et plenius comprehenso,
inde facias quod juri et honori nostro
videris utilius et honestius expedire.
Cap. XXIX.
Responsalis Friderici, cum commendatione
solicitudinis.
Affectione solita recepit Excellentia nostra
literas quas misisti, et quae continebantur

Torna all'inizio