Pag 141

63. In n. Dictiones terminantes in n, si habuerint a ante
n, producuntur, ut Titan, alias breuiantur, ut Ilon. Quae
uero habent e ante n in nominatiuo et mutant e in i in genitiuo,
breuiantur, ut carmen carminis; si uero seruant e in
genitiuo, producuntur, ut lien splen. Cetera in n breuiantur,
ut an forsan forsitan et in; praeter non et en et praeter
coniunctiones i ante n habentes, ut quin et sin, quae producuntur.
/*
64. Terminantia in ar. In ar monosyllaba producuntur,
ut par Lar Nar, et composita ab eo, ut compar impar dispar
separ; supra syllabam breuiantur, ut Caesar.
65. In er. In er omnia breuiantur, ut pater. Excipitur
aer aether uer Iber Celtiber.
66. Finientia in ir et in or et in ur. Omnis dictio terminata
in ir et in or et <in> ur breuiatur, praeter cur et fur.
67. Desinentia in as. In as omnia producuntur, ut pietas
amas et das, nisi eorum genitiuus fiat in dis, quae breuiantur,
ut Pallas Palladis (praeter uas uadis).
68. Terminantia in <e>s. In es terminantia, si habuerint
pares syllabas in nominatiuo <et> in genitiuo, ut proles
prolis, producuntur; similiter si habuerint e longam in
genitiuo crescente, ut merces mercedis, uel si fuerint monosyllaba
aut ab eo composita, ut pes bipes, aut etiam si fuerint
quintae declinationis, ut dies. Si autem habuerint e
breuem in genitiuo crescente, ut seges segetis, breuiantur;
praeter Ceres et pes cum suis compositis et abies aries et
paries, quae producuntur.
69. Desinentia in is. In is omnia breuiantur, ut collis,
nisi producant paenultimam genitiui, ut Samnis Samnitis, et