Desiderabam in eis reperi regularem perfectionem. dein ad Casinense
properavi cenobium in quo similiter inveni quod non
cernebatur commodum. tunc relatum michi est quod Ravennate
monasterium regularem tramitem observaret plenius. ego autem
ceu sitiens abii, et illinc quosdam qui religiosi videbantur acquisivi.
quorum me etiam inconditę ferocitati in tantum subdidi,
ut frequenter ab eis disciplinarer indiscrete pro eorum cottidiani
victus aliqua defectione.
Quę omnia iccirco sustinebam ut et michi venia peccaminum
daretur et mei exemplo alii erudirentur. inter ea supervenerunt
quidam sanctissimi viri et patres Cluniensis monasterii in hoc
cenobium, qui meum desiderium de huius monasterii recuperanda
perfectione cernentes, valde ędificati laudaverunt, et qualiter ad
magnum pervenire possem proficuum, utillimum spiritualiter michi
consilium dederunt.
Quorum postremo compunctus admonitione, dedi operam ut
hanc abbatiam amitterem et penitentiam ab eis congruam susciperem.
itaque ut dignam penitudinem perficerem me admonuerunt
et ne abbatiam dimitterem omnimodis interdixerunt.
Quod michi sanctissimum consilium discrete illatum ab eis
libentissime suscepi, et qualiter meam salvationem et huius monasterii
recuperationem possem adimplere pręcipuorum ortamine
confratrum et suffragio fultus, sicut infra scribitur exercere et ordinare
studuimus, adiurantes et optestantes nostros omnes successores
et huius monasterii futuros fratres et seniores per tremendi
examinis terribilem diem ut quod modo communiter statuimus non
ducant in aliquam minorationem aut violari temptent, ne exinde
in die iudicii rationem reddentes pavendam recipiant damnationem
et in hoc seculo Deus illis inferat debitam ultionem.
In nomine Domini. ego Hugo humilis et indignus abbas
Pharphensis cenobii dum per Dei oulnipotentis pietatem recognoscerem
gravissimum crimen symoniacę hereseos me incurrisse,
data pecunia pro huius honore abbatię, digne confessus sum et
penitentiam suscipiens eandem abbatiam in manibus sanctorum
patrum pręsentium Odilonis et Guilelmi Cluniensis almi monasterii
|
|