|
+ In nomine domini sextodecimo anno principatus domni nostri gisulfi gloriosi principis,
mense magius, decima indictione. Ante me Iohanne Iudicem grusa atrianensis filia quondam
iohannis, qui cognominatur magnanara relicta quondam stefani atrianensis qui cognominatur
pellulu, et gemma et constantina germane et filie ipsorum gruse et stefani; et rigemundo
atrianensis filius quondam stefani que ipsa gemma uxor predicti regimundo est romana
lege bibentes coniuncti sunt cum iohannes, qui cognominatur scintu filius quondam iohanni
presbiteri, et per ipsis grusa et gemma et constantina mater et filie ostensa est una cartula
continente: Vicesimo primo anno principatus domni guaimarii principis, mense februarius,
octaba indictione; qualiter sergius atrianensis filius ursi boccafaldola ante testes per convenientia
vice sua et vice iohanni germani sui tradiderat ad tenendum et laborandum remedii et iaquinti
et mirandi germani filii stefani de loco vaniara ubi forma dicitur, duobus pecie de terris cum
arbustis de eodem loco vaniara, ubi ad ipsa forma dicitur, quod ante os annos ipse sergii et
leo germanis eius et petrus atrianensis filii iohanni illud dividerat cum stefanus et cum iohannes
et cicerus filii benedicti; et convenientibus inter eis tradiderat eis pro vice sua et ipsius iohanni
germani sui de ipsa rebus quod illis in sortem obbenerat da ipsum stefanus et de aliis; et erat
per finis et mensurias: A parte occidentis erat fine de ipsis germanis et de eredes benedicti
et passi nonaginta quattuor; de subter parte fine illorum et passi triginta tres et medium; ab
oriente fine ipsius petri filii predicti iohanni et passi octuaginta septem, et in capite similiter
fine illorum et passi sedecim. Seu et tradiderat eis integra medietate de alia una pecia de
terra cum arbustis ibique per fines et mensurias: de subtus fine via et passi duodecim, de
alia parte et passi quadraginta quinque, de super fine illorum et ipsius petri et passi duodecim;
de alia parte fine via et passi quadraginta quinque, totum mensuratum fuit ad iusto passo
ominis, et ipse sergii pro vice sua et ipsius iohanni germani sui tradiderat ipsorum remedii et
iaquinti et mirandi ad laborandum integra suprascripta pecia priore per suprascriptas fines
et mensuras et integram ipsam medietate de ipsa posteriore pecia per suprascriptas fines et
mensuras in illo ordine et ratione, sicut ipsa cartula continet, que scripta est per alfanus
notarius, et in ea subscripti iohannes et iaquintus notarii. Cum autem suprascripta cartula
fuit ostensa, sicut ipsis gruse et gemme et costantine congruum fuit bona illorum boluntate
secundum ipsam legem et consuetudinem romanorum venumdederunt ipsi iohanni scintu integrum
illud, qualiter ipsis matri et filie pertinet per ipsam cartulam et integra terram cum abellanietum
et insitetum qui ipsi mater et filie dixerunt sibi pertinere in suprascripto loco in
plaia montis de eodem loco ubi ad sanctu archangelu dicitur, et nichil sibi ibidem coniunctum
dixerunt remanere cum omnia que intra illud sunt cunctisque eis pertinentiis et cum vice de
viis suis et cum integra pertinentiam que in suprascripta cartula sibi dixerunt pertinere,
ea ratione, ut semper suprascripta venditione sit in potestate ipsius iohanni scintu integram
suprascripta venditio, qualiter supra legitur, sit in potestate suprascripti iohanni
scintu et eredum eius; et licead illum et heredum eius de ea facere quicquit boluerint.
Et propter confirmationis uius venditionis ipsis mater et filie susceperunt a suprascripto
iohanne statutum pretium tari de moneta de amalfi sexaginta in omni deliberatione. Et
per convenientiam ipsis mater et filie guadiam ipsi iohanni dederunt et fideiussorem ei
posuerunt se ipse et suprascripto regimundo, et per ipsam guadiam obligaberunt se et
illorum eredes semper defendere suprascripti iohanni et heredum eius integra suprascripta
venditione, sicut suprascriptum est, ab omnibus ominibus et partibus, ea ratione quando ipse
iohannes et eius eredes quesierint abere defensores ipsis mater et filie et illorum eredibus de
suprascripta venditione, tunc ipse iohannes et eius eredes deant eis ipsa suprascripta cartula
salba abendas illam ipse mater et filie et illorum eredibus per omnes vices diebus sexaginta;
et per omnes vices ipse mater et filie et illorum eredibus defendant eidem iohanni et illius
heredibus integram suprascripta venditio ab omnibus ominibus et partibus, sicut suprascriptum
est, et post completos ipsos dies per omnes vices cartulas ipsas salbas qualem eis date fuerint,
retdant at ipsius iohanni et illius heredibus, abendum illam ipse iohannes et eius eredes semper
in suprascripta ratione. Et tribuerunt ei licentiam, ut quando ipse iohannes et eius heredes
boluerint suprascripta venditione per se defendere, potestatem abeant qualiter buluerint, cum
omnibus muniminibus et rationibus quas de ea ostenderint. Et si, sicut superius scriptum est, ipsis
mater et filie grusa, et costantina et gemma et illorum eredibus ipsius iohanni et eius heredibus
non adimpleberint, et suprascripta vel ex eis quicquam remobere aut contradicere presumperint,
per ipsam guadiam ipsi mater et filie obligaberunt se et illorum eredes componere ipsius
iohanni et illius eredibus quinquaginta auri solidos constantinos, et, sicut superius scriptum
est, adimplere. Et per convenientiam ipse regimundo obligavit se et eius eredes si suprascripta
vel ex eis quicquam remobere aut contradicere presumpserint, componere ipsi iohannis et illius
eredibus quinquaginta auri solidos constantinos et suprascripta semper firmiter permanerent. Et
taliter tibi romualdo notario scribere precepi.
+ Ego qui supra iohannes iudex.
| |