|
+ In nomine domini vicesimo quinto anno principatus salerni domni nostri guaimarii
glorioso principe, et quinto anno principatus eius capue et ducatus amalfi, et quarto anno
ducatus eius sirrentum, et secundo anno suprascriptorum principatuum et ducatus domni gisolfi
eximii principi et duci filii eius, et primo anno ducato illorum apulea et calabria,
mense agustus, undecima indictione. Memoratorium factum a me iohannes venerabilis abbas
ex monasterio sancte sofie, quem a nobo fundamine construxit quondam guaiferius comes
filius idem guaiferii comitis intus cibes salerni in rebus sua, eo quod ante subscribti idoneis
testes per combenientia vice predicti monasterii et pro vice gemme relicta supradicti
guaiferi filia quondam guaimari comiti, una mecum adesset iohannes castaldeus, adbocator
ipsius monasterii, tradidit petri de aputmonte filio falconis una pecia de terra cum castanietum
et insitetum, quod pars ipsius monasterii et predicta gemma habet in locum sianum,
ubi trudulo dicitur, per ec finis et mensuras: a meridie fine domnica, inde passi septuaginta
sex; ab oriente fine medio ballone; inde sunt passi centum sexaginta quadtuor:
de super a septemtrione fine predicti monasterii et predicte gemme, inde sunt passi quadraginta
octo: ab occidente fine de eredes mari, inde sunt usque priora fine passi alii centum
sexaginta quadtuor, totum mensuratum at iusto passu ominis. de ec vero rebus infra
suprascripte finis et mensuras inclita medietate exinde ipsius petri tradidit in oc ordinem,
ut amodo et semper tota et inclita ipsa suprascripta estraditio at suam et de suis
eredibus. sint potestatem tenere et dominare, et fovee et omnis nostre utilitatis iusta rationem
ibidem facere, et per omnes annos illut laborare et cultare, et ubi meruerit pastenare
et insitare et surgere illut, sicut meruerit esset bonum esset castanietum et insitetum
in ipso locum ut bonum pareat laboratum et cultatum, quatenus proficiant et non
dispereant, et salbum faciat, sicut decet. Et per tempus, quando meruerit, ipse castanee et
insites rationabiliter colligere et seccare bone, sicut meruerit, et ille et eius eredes faciant
scire pars ipsius monasterii et predicte gemme, ut ibidem dirigat missum suum, et tote
ipse castanee et insites per medietatem dividant; missus predicti monasterii et predicte
gemme tollat eos medietatem, et ille et suos eredes medietatem, et ipsum missum nutricare,
sicut iustum fuerit. Et de quod amodo et semper ibi seminant, deant inde terraticum
ad ipsum missum secundum consuetudinem de ipso locum, Et quale tempore ille et
eius eredes ipsa suprascripta traditio tenere et laborare non boluerint, aut non potuerit
inclitum illut laboratum et cultatum, qualiter meruerit, remidtat ad pars supradicti monasterii
et predicte gemme et ad eius eredes, faciendum inde omnia quod voluerint. De qua
per combenientia guadia nobis ipse petrus dedit vice ipsius monasterii et pro vice nominate
gemme, et mediatorem nobis posuit dissio presbiter de aputmonte filius quondam ropfi;
et per ipsa guadia etc: Sequitur formula statuta multa viginti auri solidorum constantinianorum.
Quod scripsi ego petrus presbiter et notarius.
+ Ego amatus presbiter
+ Ego iohannes presbiter.
| |