+ Nos aloara principissa et landenolfus domini gratia princeps pro
amore dei et salvatione anime nostre damus concedimus atque confirmamus
inperpetuum in ecclesia sancti laurentii levite et martiris christi monasterio
nostro situs in hanc capuanam nostram cibitatem. et tibi dompno iacobo venerabilis
abbas eiusdem ecclesie casale montanarii cum hominibus terris et
silbis sibi pertinentibus. que habet hos fines quomodo incipit a saone et vadit
ad viam publicam. et ascendit directe ad medium montem chermelli. et descendit
per medium ipsum montem et vadit ad fondora: et ascendit directe
ad montem que vocatur cornaturii. et descendit per ipsum montem directe ad
terram sanctorum stephani et agathe archiepiscopii capuani. et ascendit ad
ecclesiam sancti constantii. et ascendit ad vallem. et ascendit directe ad medium
montem marii et descendit directe usque ad saonem. ut ipsum casale
sit imperpetuum de dicto monasterio nostro sancti laurentii. damus. concedimus.
atque confirmamus. ut homines ipsius casali sint liberi ab omni data
vel collecta que est pensione publica. et alia quoque servitia que quomodocumque
legaliter vel iniuste partibus reipublice nostre vel super ponere voluerit
aut potuerit. qualiter nostri palatii pertinent nichil iussimus reservari.
set in possessionem eiusdem monasterii et de eiusque abbatibus custodibus
atque rectoribus. faciendum exinde quod in parte predicti monasterii placuerit.
absque contrarietate comitis. castaldei. iudicis. vel sculdais. aut cuiuscumque
persone hominis contradictione. vel inquietudine. set perpetualiter partem
eiusdem monasterii ipsum casale cum hominibus habeat et possideat. nemine
ei exinde aliqua contraria faciente. Quod si quispiam hanc nostram concessionem
in quomodocumque violare presumpserit sciat se compositurus. et
ad eius abbatibus custodibus et rectoribus auri libras decem et hec nostram
dationem confirmationem. seu concessionem firma permaneat imperpetuum.
et signo nostro supter iussimus signari.
Ex iussione predicte gloriose potestati. in anno dominice incarnationis
nongentesimo sexto. et quinto anno principatus eius. mense iulio. prima
indictione. scripsi autem ego iohannes diaconus
|