|
58
MXCIII
A. D. 1047
+ In nomine domini tricesimo anno principatus domni nostri Guaimarii gloriosi principis,
et nono anno ducatus eius amalfis et sirrenti, et sexto anno principatus et ipsorum
ducatuum domni gisulfi eximii principis et ducis filii eius, mense septembrio, octaba die
intrante prima indictione. Ante me Ademarium comitem et iudicem mele filius angeli presbiteri
ostendit unum scriptum continentem: In nomine domini vicesimo nono anno principatus
domni nostri guaimarii gloriosi principis, et nono anno ducatus eius amalfis et sirrenti,
et sexto anno principatus et ipsorum ducatuum domni gisulfi eximii principis et
ducis filii eius, mense augusto, octaba die intrante quintadecima indictione. Ante me ademarium
comitem et iudicem mele filius angeli presbiteri ostedit unum brebem quod continebat:
in nomine domini vicesimo septimo anno principatus salerni domni nostri guaimarii
gloriosi principis, et septimo anno principatus eius capue et ducatus amalfis, et sexto anno
ducatus illius sirrenti, et quarto anno suprascriptorum principatum et ducatuum domni
gisulfi eximii principis et ducis filii eius, et tertio anno ducatus illorum apulie et calabrie,
mense iunio, tertiadecima indictione. Ego mele filius angeli presbiteri ante testes prestitui
petri filio iaquinti calzolario viginti auri solidos ana quattuor auri tari per solidum. Unde
per convenientia guadia michi ipse petrus dedit per absolutionem ipsius iaquinti genitori
suo, et fideiussorem michi posuit seipsum, et ipse iaquintus genitor eius; et per ipsam
guadiam obligavit se et suos heredes reddere michi meique heredibus, vel cui brebem iste
in manum paruerit, ad tempus de suprascripto mense viginti quattuor auri solidos de tari,
quorum quisque habeat aureos tarenos bonos quattuor, ut per caput illos dare possamus.
Et si taliter, ut supra legitur, ipse petrus et eius heredes michi meique heredibus, vel cui
brebem iste in manu paruerit, non adimpleberint et suprascripta, vel ex eis quicquam removere
aut contradicere presumpserint, per ipsam guadiam ipse petrus obligavit se et suos
heredes, per absolutionem predicti genitori suo, componere michi meique heredibus vel
cui brebem iste in manum paruerit, ad duplum suprascripti solidi, et sicut superius scriptum
est, adimplere, et per convenientiam ipse petrus et iaquintus pater et filius, qui sunt devitor
et fideiussor, nominative apposuerunt et obligaberunt michi meique heredibus, vel
cui brebem iste in manu paruerit, ad pignerandum inclita rebus illorum, que est medietatem
de loco capaczana, que da parte orientis coniuncta est ad flubium, quod lirinus
dicitur, et a parte occidentis coniuncta est ad viam publicam, que est pertinentem medietatem
ad ipsum petrum, et ipsam medietatem in suprascripto hordine apposuerunt et obligaverunt
ad pignerandum michi meique heredibus, et ipse petrus aliter sic apposuit ad
pignerandum ad ipsum genitorem omnes res et causas suas legitimas et inlegitimas, et ec
suprascripta fecit ipse petrus per absolutionem ipsius genitori suo, et ibique illum astantes
et ego predictus mele ec suprascripta feci per absolutionem predicti genitori meo: et taliter
ipsi pater et filius me romoaldum notarium scrivere rogaverunt, ego romoaldus me subscripsi,
ego alderissi notarius me subscripsi; et cum fuit lectum ipsum brebem, ego cum ipso mele
ad suprascriptas res, quas ei ipsi pater et filius nominative apposuerunt in iamdicto loco
capazana, secundum textum de suprascripto brebe perreximus, et per unam arborem comprehensit
in pignum suprascriptas res, quas ipsi pater et filius per suprascriptum brebem
ei nominative apposuerunt, et obligaverunt ad pignerandum, sicut continet suprascriptum
brebem, sequenter sue calumnie, et quod superius inter virgulos scriptum est, legitur, perreximus,
et taliter te romoaldum notarium scrivere precepi. In quo ego meum nominatum
propriis subscripsi digitis. Et cum supradictum scriptum fuit lectum, ipse mele paratus
fuit in duodecim diebus postquam comprehensit pignum per ipsam arborem suprascriptas
res, sicut supradictum scriptum continet. Et nunc expleti triginta diebus, volens reddere
ipsum pignus ad ipsos pater et filium. Sed ipsi pater et filius illud recolligere neglessit.
Ideo secundum langobardorum regum edictum, pignum ipsum ipsi pater et filius amiserunt,
et non habent facundiam illud requirendi. Et taliter pro ipsius mele te romoaldum notarium
scrivere precepi. Verumtamen hoc memoramus, quoniam ipse suprascriptus mele hec
suprascripta fecit, presente ipso angelo presbitero genitore suo, e per eius absolutionem:
et taliter te romoaldum notarium subiungere precepi.
+ Ego qui supra ademari iudex.
| |