|
412.
In Dei nomine. Anno Domini MciXXXXIIII, III° nonas octubris, post obitum Henrici
imperatoris imperio vacante, Innocentio papa residente, indictione II°. Manifestus sum
ego Uguicio marchio, qualiter per hanc cartam do et concedo et suppono tibi Bonensegne
aretino potestati, recipienti nomine Aretine civitatis, totum terrenum et castella
de pleberio sancti Antimi et omnes homines de pleberio eiusdem plebis: hoc modo,
quod ipsi homines faciant pro dicta civitate guerram et pacem cuicumque voluerint ad
mandatum lectorum dicte civitatis, et veniant ibi ad parlamentum, et tribuant datium
dicte civitati, scilicet duos solidos pro masaritia, in unoquoque anno, quando eis a rectoribus
dicte civitatis petitum fuerit; et non faciant pacem vel finem aut treuguam cum
Civitate Castellana, nec cum aliqua persona pro ea, sine parabola rectorum Aretine
civitatis communiter mihi data. Et promicto hoc totum firmum tenere et facere per me
et omnes meos homines, et facere firmum teneri; et hoc idem fratrem meum firmare
et promictere faciam, et omnes alias personas que habent dominium in terreno predicto
et hominibus dicti pleberii. Et ego Buiamonte, (cum) parabola dicti Uguicionis
marchionis, promicto tibi dicto Bonensegne, recipienti, ut dictum est, pro dicta civitate,
et iuro facere et observare predicta per me et meos homines et per totam meam forziam;
et hoc idem faciam iurare omnes filios meos.
Actum in civitate Aretina, in ecclesia sancti Petri maioris, in presentia et testimonio
Nigribotti, Teste, Rainerii, Ranaldi, Guelfi et aliorum multorum.
Ego Omnebonum notarius predictis interfui et rogatus scripsi et complevi.
| |