Home » Fonti documentarie » Codex diplomaticus Cavensis - 08 » 8.1292 » Pag 106 - 114

8.1292
106
114

106
+ In nomine domini, octabo decimo anno principatus domni nostri gisulphi gloriosi principis
mense iulio, duodecima indictione. Dum coram presentia domne theodore filie domni gregorii
consulis et ducis romanorum que fuerat uxor paldulfi qui fuit filius domni guaimarii gloriosi
principis essem ego iohannes iudex et ibidem aderant aloara filia quondam romoaldi comitis
que uxor denique petri comitis et referendarii fuerat, et lando et iohannes comites et referendarii
germani hac filii ipsorum petri et aloare et alferada olim filia guaiferii comitis que est uxor
ipsius landonis et bensolana filia quondam petri et uxor est ipsius iohannis, et iohannem clericum
filium quondam rainerii in cuius manu paruit unum scriptum quod scriptum est per dauferium
…. octabo decimo anno principatus domni guaimarii filii domni guaimarii mense decembri,
quarta indictione. ipse petrus comes maritus ipsius aloare, sicuti congruum fuit, sua voluntate
ante ademarium comitem et iudicem et aliorum novilium donaverat malfredi et iohanni comitibus
germanis predicti aloare inclitum mundium quod ei pertinebat in ipsa ……. Tali
hordine ut ab ortum ipsius petri in antea inclitum ipsum mundium in illorum esset potestatis,
seu et de illo viro cui scriptum ipsum in manu pareret, illud habendum et faciendum quod
vellent, sicut ipsum scriptum continet, in quo ipse ademarium iudex subscriptus est. Et ipsa
domna theodora ostendit duas cartulas quarum una continebat: In nomine domini, vigesimo anno
principatus domni nostri guaimarii. Et primo anno principatus domni iohanni eius filii gloriosi
principibus, mense ianuarius, sexta indictione. Cum autem supradictus domnus gloriosus princeps
secundum gloriam dignitatis sue more solito resideret in sacro salernitano palatio, et ante
eum adessem ego grimoaldus comes et iudex, ibique in eadem presentia venerunt mulier nomine
aloara filia quondam romoaldi comitis et relicta quondam petri comitis cum duobus filios suos
unum ex illis nomine lando et ipso alio nomine iohannes qui sunt infantes infra etatem, et humo
prostrati clamaverunt suaque necessitate intimare volentes et ipsa gloriosa potestas precepit
suaviter ipsi infantes erigere et illis interrogare quodnam esset causa pro qua venissent. illis
autem dixerunt, ut ipse petrus pater eorum mortuus esset, et dum vivus erat ad salvandum
dimisit et non aberet pretium unde devitum ipsum salvare poterent et a creditoribus et fideiussoribus
suis valde essent angustiati, et venissent illud notificare supradicto domni magni
principi, ut venundare poterent de rebus suis quantum ipso devitum est. ego autem interrogavi
illis quantum esset ipso devitum et que de rebus sua venundare volerent. illis autem dixerunt
107
ut ipso devitum esset solidos quingentos et volerent venundare terris et casis illorum
a foras hac predicta civitate salerno a muro de ipsa civitas usque via puplica que secus litus
maris ducit. ego vero supradictus iudex reduxi ipsi infantes ante supradicta gloriosa potestas
et, sicut illis nobis dixerunt, per ordinem illud narravi eidem magnifice potestati; ille
autem magnificus domnus princeps propter deum et mercedis anime sue, cum ipsi infantes de
sua presentia direxit personam deum timentem ad ipsa terra et casis qui hoc ipsum opus
sapienter consideraret, ut ad ipsi infantes aliqua damnietas propter onere solidorum aut contraratione
et neglegentia minime perveniret. et dum cum illis abiit et reversus est, nuntiavi
eidem domni magni principi ut ipsa terra et casis diligenter et sapienter cum plures aliis idonei
hominibus considerassent et adpretiasset, sed non plus quam ipso devitum valeret. et
ipse supradictus domnus gloriosus princeps licentiam ad ipsi infantes dedit ipsa terra et casis
venundare cui volerent et solidos ipsos inde acciperent et devitum ipsum salvarent et michi
supradicto grimoaldi comiti et iudici precepit cum illis ad ipsa vindictione facienda essem, et
ante mea presentia venit vir nomine iohannes germanus predicte aloare qui dixit ipsa terra et
casis ab ipsi infantes et ab ipsa genetrice illorum emere voleret et ipsos solidos inde eorum daret,
et ipsa aloara ibique ante nos secum habentem duos germanos et parentes suos et sic me ipsa
mulier rogavit et dixit quia omnia quod in ipsa terra et casis ei pertineret voleret vindere,
et ipsi parentes eius in ipsa vinditione manus suas posuerunt et seipsa inde vinditricem fecit
et ipsis filiis et mundoalt suis ei inde consenserunt, ut quod vindiderit semper stabile sit, et
petrus scriba per notitia ipsorum parentibus et mea qui iudici hanc cartulam vinditionis inde
scribere iussi. sic itaque acta ipsis mater et filiis per hanc cartulam ante mea qui grimoaldi
comitis et iudici presentia et ante ipsis parentibus eidem mulieri comuniter ipsis mater
et filiis venundederunt atque ad semper habendum venundederunt ipsius iohanni comiti ipsa
terra et casis, unde ibique ante nos ostenderunt duobus preceptora unum vetere et alium nobum,
ipsum vetere continens: siconolfus dei providentia langobardorum gentis princeps per rogum
siconis thesaurarii sui concesserat radechis castaldei filii moncolani inter aliud terra vacua
inter murum et muricinum de hac noba salernitana civitate: ipsa terra in longitudine passi
septuaginta ab ipsum diffusurio qui exit de intus curte sancti michaeli per ipsum murum adveniente
ab inde contra sacrum suum palatium una cum ...... in ipsu muru prope ipsa
posterola in capu de ipse scale et in latitudo ab eodem de muro usque in ipso muricino, et
a fore ipso muricino per exinde mensura usque ad mare pro eo quod ipse radechis eidem
domni sicenolfi dederat unam curtinam valentem solidos mille que pro salvatione gentis et terre
sue direxerat salutem in franciam ad ipsum imperatorem, sicut ipso praeceptum continet, quod
108
scriptum est per toto notario et ab utile annulo est sigillatum. et ipso preceptum nobum continentem:
In nomine domini dei eterni salvatoris nostri hiesu christi, guaimarius divina protegente clementia
langobardorum gentis princeps concedo tibi petri comiti thio et referendario nostro per
postulationem laidolfi comitis socero nostro terra vacua ad mare a foras murum nostre civitatis
salerno que est per has fines et mensuras. A parte occidentis erga ipso diffusurio quod
exiet de intus curte sancti michaelis usque ad litore maris erga mare, in parte orientis passi decem
et octo et saliente a mare in parte septemtrionis usque muro nostre civitatis et erga ipso
muro usque in priore fine unde exiet aqua de ipso supradicto diffusurio, passi decem et octo.
hec vero terra tibi tuisque heredibus concedimus ut faciatis in ea edificium qualiter bolueritis, et
potestatem habeatis vos in ipso muro apprehendere et rumpere, ut posterola ibi habere debeatis
ad ingrediendum et regrediendum exinde cum vestris congruitatibus; simulque potestatem habeatis
in predicta terra edificia in altum levare et operare qualiter volueritis. et neque a nostris
comitibus, iudicibus, castaldeis vel a quibuscumque hagentibus habeatis aliquam contrarietatem
exinde vel requisitionem; sed faciatis de predicta nostra concessione vos et vestros filios et heredes
quicquid volueritis absque omnibus puplicis requisitionibus. textum vero huius firme ac
stavilis nostre concessionis scribere precepimus te truppoaldum abbatem et scribam nostri sacri
palatii, anuloque nostro insigniri iussimus, de mense martio concurrente indictione quintadecima
anno deo propitiante nostri principatus quartodecimo. Et cum fuerunt lectos supradicta preceptora,
sicut dictum est, supradicta aloara et lando et iohannes germani filii ipsius aloare venumdederunt
atque ad semper habendum confirmaverunt iamdicto iohanni filio supradicti
romoaldi ipsa terra et casa per supradictas fines et mensuras et omnia que et quantum qualiterque
per supradictum preceptum nobum eidem petri comiti virum et genitor illorum et ad
filios et heredes illius concessum fuit cum omnes vices et pertinentia quas ipsius petri pertinuit
per supradictum preceptum nobum in ipsum murum de iamdicta civitas. Iterum ipsis mater
et filiis venumdederunt predicto iohanni omnia quantum et quomodo et qualiter ipsius petri
virum et genitor illorum pertinuit per supradictum preceptum vetere ab ipso murum de iamdicta
civitas usque ad ipsa via que iuxta ipso litus maris ducit, et quantum pertinuit ipsius
petri in ipsa turre, que ipso preceptum continet. Ad securiter et firmiter amodo et semper ipse
iohannes et illius heredes cunctas supradictas vindictiones, qualiter superius legitur, quas superius
ipsis mater et filiis eidem iohanni venumdederunt cum omnia intro se habentibus et suis pertinentiis
et cum vice de vie et andita sua, et cum totum ipso preceptum nobum et cum omnia quas
inde continet et cum omnes pertinentias quas ipsius petri virum et genitor illorum pertinuit.
In ipsum preceptum vetere de ipsa terra ab ipsum murum de iamdicta civitas usque ad mare
109
totum illud ipse iohannes et illius heredes habendum, dominandum, possidendum et omnia exinde
faciendum quod voluerint. Et pro ipsa vinditione eorum confirmandam ipsi lando et iohannes
acceperunt, exinde toti ipsi solidi quod pro ipso devitu dare debuerunt, et ipsa aloara accepit
inde pretium suum quantum de ipsa terra et casis ei pertinuit et de ipsa illius pertinentia de
iamdictum murum in omnes deliverationes, sicut finitum totum ipso pretium aput illis est;
de qua ipsis mater et filiis comuniter guadia inde dederunt predicto iohanni, et mediatorem
ei posuerunt supradictum madelfrit et rodelgrimus comitibus filii iamdicti romoaldi, quia ipsa
mulier has omnia, quas in hac cartula legitur, fecit per voluntate de ipsis filiis et de mundoalt
suis. et per eadem guadia obligaverunt se ipsi aloara, et lando, et iohannes filios suos et illorum
heredes amodo et semper defensandum iamdicto iohanni ad illius heredes totas et inclitas
supradictas vinditiones quas superius eidem iohanni venumdederunt ab omnibus hominibus
omnique partibus, preter quando ipse iohannes et illius heredes per se inde auctores esse voluerint
potestatem habeant qualiter voluerint, et quale monimen et rationem inde habere potuerint.
Nam quando ipsis mater et filiis et illorum heredes inde auctores habere quesierint, per omnes
vices dent ipse iohannes et eius heredes ipsorum mater et filiis et ad illorum heredes ambo
ipsa preceptora ad abendum illos per omnes vices diebus sexaginta, et ipsis mater et filiis
semper defensent predicto iohanni et ad illius heredes cunctas supradictas vindictiones, sicut
superius legitur: et post complete ipse dies, ambo ipsa preceptora salva, quales illas eorum
dederit ipsis mater et filiis dent illos ipsius iohanni et ad illius heredes ad habendum eos
semper in predicta ratione. Et si taliter illud ipsis mater et filiis et illorum heredes predicto
iohanni et ad illius heredes non defensaverint, aut si illud vel exinde eorum tollere aut contrare
quesierint et suprascripta vel exinde contradixerint, aut removere quesierint vel quolibet
causationes inde preposuerint, tunc per ipsam guadiam componere obligaverunt se ipsi aloara
et lando et iohannes, mater et filiis, et illorum heredes ipsius iohanni et ad illius heredes mille
auri solidos constantinianos, et sicut dictum est illud eorum defensent, et omnia suprascripta
per supradicto hordine eorum adimpleant et questio et causatio illorum semper sit inde
tacita et vacua: Verumtamen ipsi germani lando et iohannes pro tribus partibus illorum de
tota ipsa vinditione acceperunt ab ipsum iohannes ipsos solidos aureos quingentos, sicut supra
legitur. Et ipsa aloara genitrice illorum accepit ab ipsum iohannes pro quarta sua de tota ipsa
vinditione auri solidos centum sexaginta sex et duo auri tari, toti ipsis solidis habentes quattuor
auri tari boni per unumquemque solidum. Et taliter scribere fecimus te supradictus petrus
notarius. Ego qui supra grimoalt comes et iudex. Altera vero continebat: In nomine domini
vicesimo anno principatus domni nostri guaimarii, et primo anno principatus domni iohanni
110
eius filii gloriosi principibus mense februarius, sexta indictione. Nos iohannes comes filius quondam
romoaldi comitis et mulier nomine purpura filia quondam radelchisi que sum uxor istius
iohanni, clarefacio ego supradictus iohannes quoniam ante os per firmam cartulam secundum
legem scriptam venundederunt michi mulier nomine aloara germana mea et relicta quondam
petri comitis et lando et iohannes germani filii ipsius petri comitis et istius aloare terris et
casis illorum a foras hac salernitanam civitatem a muro de ista civitas usque via puplica que
secus litus maris ducit, quantum fuit pertinentem ipsius petri. Unde ipsis mater et filiis ostenderant
duobus preceptora unum vetere et aliud nobum: ipso preceptum vetere continentem: siconolfus
dei previdentia langobardorum gentis princeps per rogum siconis thesaurarii sui concesserat
radechis castaldei filii moncolani inter alia terra vacua inter murum et muricino de hac
noba salernitanam civitatem ipsa terra in longitudine passi septuaginta ab ipsum difusurio qui
exiit de intus curte sancti michaeli per ipsum murum advenientem ab inde contra sacrum suum
palatium una cum turre que erat in ipsum murum prope ipsa pusterola in capu de ipse scale. et
in latitudo ab eodem muro usque in ipsum muricino et a fore muricino per eadem mensura usque
ad mare pro eo quod ipse radechis eidem domni sicenolfi dederat unam curtinam valientem
solidos mille que pro salvationis gentis et terre sue direxerat salutem in francia ad ipsum imperatorem,
sicut ipso preceptum continet, quod scriptum est per toto notario et ab utile anulo est
sigillatum. Et ipso preceptum novum continentem: In nomine domini dei eterni salvatoris nostri
ihesu christi. guaimarius divina protegente clementia langobardorum gentis princeps, concedo
tibi petri comiti thio et referendario nostro per postulationem laidolfi comitis socero nostro terra
vacua ad mare a foras murum nostre civitatis salerno que est per has fines et mensuras: A
parte occidentis erga ipso difusurio, quod exiet de curte sancti michaelis usque ad litore maris,
et erga mare in parte orientis passi decem et octo; et saliente a mare in parte septemtrionis
usque muro nostre civitatis et erga ipso muro usque in priore fine unde exiet aqua de predicto
difusurio passi decem et octo. Hec vero terra tibi tuisque filiis et heredibus concedimus
ut faciatis in ea edificium qualiter volueritis. et potestatem habeatis vos in ipso muro apprehendere
et rumpere, ut posterola ibi habere debeatis ad ingrediendum et regrediendum exinde
cum vestris congruitatibus; simulque potestatem habeatis in predicta terra edificia in altum levare
et operare qualiter volueritis. et neque a nostris comitibus, iudicibus, castaldeis vel a quibuscumque
agentibus habeatis aliquam contrarietatem exinde vel requisitione; sed faciatis de
predicta nostra concessione vos et vestros filios et heredes quicquid volueritis absque omnibus
puplicis requisitionibus. Textum vero huius firme ac stabilis nostre concessionis scribere precepimus
te truppoaldum abbatem et scribam nostri sacri palatii, annuloque nostro insigniri iussimus,
111
de mense magio concurrente indictione quintadecima, anno deo propitiante nostri principatus quartodecimo.
Et cum fuerat lectos supradicta preceptora, sicut dictum est, supradicta aloara, et lando,
et iohannes mater et filiis venumdederant michi iamdicto iohanni ipsa terra et casis per supradictas
fines et mensuras et omnia que et quantum qualiterque per supradictum preceptum novum
eiusdem petri comiti virum et genitor illorum et ad filios et heredes illius concessum fuit, cum
omnes vices et pertinentias quas ipsius petri pertinuit per supradictum preceptum novum in
ipsum murum de iamdicta civitas. Iterum ipsis mater et filiis venumdederunt michi predicto
iohanni omnia quantum, et quomodo, et qualiter ipsius petri virum et genitor illorum pertinuit per
supradictum preceptum vetere ab ipso muro de iamdicta civitas usque ad ipsa via que iuxta
ipso litus maris ducit, ad faciendum exinde omnia quod voluerimus, sicut ipsa mea cartula continet.
et ego iamdicta purpura palam facio quia in totum illud quod iste vir meus emit ab ipsis
mater et filiis, sicut supra declaratum est, pertinet michi inclita quarta parte per meum scriptum
morgincap quod ipse vir meus michi emisit in die nostre copulationis: et congruum est nobis
supradicto iohanni et purpura vir et uxor comuniter venumdare paldulfi comiti filii quondam
domni guaimarii principis ac germani supradicti domni nostri guaimarii gloriosi principis omnia
quantum per supradicta cartula ego nominatus iohannes emit ab ipsis mater et filiis. et
ut ego iamdicta purpura vindictione ista comuniter cum isto viro meus facere possam,
feci exinde notitiam ad tres propinquiores meos parentes, et una simul cum ipso viro meus
et cum ipsis parentibus meis pariter perreximus in presentia iohanni iudici cui hec omnia
nota fecimus. et ipse iudex secundum mandatum legis me nominata mulier diligenter interrogavit
et inquisivit, ne forte aliqua violentia pateret. In illius presentia et de ipsis meis
parentibus manifesta sum nullam paterem violentiam nec ab isto viro meus nec a quacumque
homo, nisi voluntate mea ipsa res dico venundare. et ipse iudex cum ipsis meis parentibus in
hac cartula suis manibus posuerunt; et petrus notarius per notitiam de ipso iudex et de ipsis
meis parentibus cepit hanc cartulam vindictionis inde scribere, ut absque domnatione legis
securus inde manere. sic itaque omnia hec per ordine acta, nos superius nominati iohannes et
purpura vir et uxor per hanc cartulam ante ipsum iudex et ipsis meis parentibus comuniter
venumdedimus, atque ad semper habendum confirmavimus tibi supradicto paldulfi comiti filio
iamdicti domni guaimarii gloriosi principis ipsa terra et casis per supradictas fines et mensurias
et omnia que et quantum qualiterque per supradictum preceptum nobum eidem petri comiti et
ad filios et heredes illius concessum fuit cum omnes vices et pertinentias quas ipsius petri
pertinuit per supradictum preceptum nobum in ipsum murum de iamdicta civitas. Iterum venumdedimus
tibi predicto paldulfi ………. et qualiter ipsius petri pertinuit per supradictum
112
preceptum vetere ab ipsum murum de iamdicta civitas usque ad ipsa via que iuxta
ipso litus maris ducit: ad securiter et firmiter amodo et semper tu supradictus paldulfus et tuos
heredes cunctas supradictas vendictiones cum omnia intro se habentibus et suis pertinentiis et
cum vice de vie et anditu suo ………… cum omnia quas inde continent. et cum
omnes pertinentias quas ipsius petri comitis pertinuit in ipsum preceptum vetere de ipsa terra
ab ipsum murum de iamdicta civitas usque ad mare, totum illud tu nominatus paldulfus comes
et tuos heredes habeatis et dominetis et possideatis et omnia exinde faciatis quod volueritis.
seu venumdedimus tibi paldulfi comiti ipsa ………. iohannes mater et filiis de ipsa
vindictione michi predicto iohanni confirmaverunt cum omnia quas de ipsa vindictione continet,
que scripta est cartula ipsa per petrus notarius; et ibidem scripsit grimuald comes et iudex.
emissa vero de anno vicesimo principatus domni nostri guaimarii, et primo anno principatus
domni iohanni eius filii gloriosi principibus, mense ianuarius, sexta indictione, ad faciendum tu
supradictus pandulfus et tuos heredes de ipsa cartula omnia quod volueritis. unde pro confirmandam
et stabiliscendam vobis supradicta vendictione nos iamdicti iohannes et purpura vir
et uxor comuniter accepimus a te supradicto paldulfus statutum pretium aureos solidos numerum
mille quingentos ana quattuor auri tari boni per solidos sicut inter nos statutum fuit in
omnes deliverationes. finitoque pretium aput nos de qua nos supradicti vir et uxor comuniter
guadiam inde tibi predicto paldulfi comiti dedimus et mediatorem tibi posuimus madelfrit comes
germanum et cognatum nostrum. quia has omnia que in hac cartula legitur ego predicta
purpura feci per voluntatem istius Iohanni viri mei in cuius mundium sum et comuniter cum
illum sicut supra legitur. et per eadem guadia obligamus nos nominati Iohannes et purpura et
nostris heredibus amodo et semper defensandum tibi supradicto paldulfi comiti et ad tuis heredibus
totas et inclitas supradictas vinditiones quas superius tibi venumdedimus ab omnibus
hominibus omnique partibus. preter quando per vos ipsis volueritis inde auctores fieret potestatem
habeatis qualiter volueritis cum quale monimen et ratione inde habere potueritis. Nam
quando nos nominati Iohannes et purpura vir et uxor et nostris heredibus .,……. tu
nominatus paldulfus vel tuos heredes per omnes vices detis nobis predicti vir et uxor et ad nostris
heredibus ambo supradicta preceptora et ipsa cartula salvos habendum nos illos et nostris
heredibus per omnes vices diebus sexaginta. et nos predicti iohannes et purpura vir et uxor
et nostris heredibus semper defensemus tibi predicto paldulfi comiti et ad heredibus ...... vinditiones, sicut superius legitur, et post complete ipse diebus sexaginta ambo ipsa preceptora
et ipsa cartula salvos quales illos nobis dederitis demus illos tibi supradicto paldulfi comitis et
ad tuis heredibus ad habendum eos semper in predicta ratione. et si taliter illud nos et nostris
113
heredibus tibi tuique heredibus non defensaverimus, aut si illud vel exinde aut tollere aut
contrare quesierimus; et suprascripta vel exinde contradixerimus, aut removere quesierimus vel
qualivet causationes inde preposuerimus, per ipsam guadiam componere obligamus nos nominati
iohannes et purpura et nostris heredibus tibi predicto paldulfi comiti et ad tuis heredibus tribus
millia auri solidos constantinos et, sicut dictum est, illud vobis defensemus, et omnia suprascripta
per supradicto hordine nobis adimpleamus, et questio et causatio nostra semper sit inde tacita
et vacua; et taliter scribere rogavimus te supradictus petrus notarius, actum salerno. Ego qui
supra iohannes iudex. Ut autem suprascripte cartule fuerunt ostense, atque perlecte, per meam
inquisitionem ipsi aloara, et lando, et iohannes, et alferada, et benzolana, tamen ipsa aloara
cum voluntate ipsius iohannis in cuius manu, ut supra scriptum est, predictum scriptum paruit,
cum qua omnia que in hac carta scripta et scribenda sunt, fecit dixerunt, ipsas cartulas que tote
superius per hordine declarate sunt veraces in omnibus quod continent esse, et nichil de eo quod
continere visum est removere aut contradicere posse. Et de toto et integro eo quod ipsi iohannes et
purpura vir et uxor eidem pandulfo venumdederant, sicut suprascripta cartula, in qua ipse iohannes
iudex subscriptus est, in quem dixit ipsa domna theodora sibi pertinere integram quartam partem
per suum morgincap sibi datum ab ipso paldulfo viro suo alio die copulationis eorum, et
tres partes guaimario et gregorio et guidoni et iohanni germanis comitibus filiis ipsorum paldulfi
et theodore; et mox iohannes filius quondam petri qui in presentia ipsius domne theodore
aderat dedit ipsis aloare et lando et ..... ipsorum domne theodore et guaimarii et gregorii
et guidonis et iohannes duocentos auri solidos, ad faciendum ex eis illi et illorum heredes quod
voluerint. Ob hoc ergo ipsi aloara et lando et iohannes et alferada et benzolana predicta alferada
et benzolana cum voluntate iamdictorum virorum ac mundoaldorum earum cum quarum
voluntate omnia que in hac cartula scripta scribendaque sunt fecerunt bona illorum voluntate
per comvenientiam guadiam ipsi iohanni filii petri pro suprascriptorum domne theodore et
guaimarii et gregorii et guidonis et iohannes dederunt, et fideiussorem ei pro eorum parte posuerunt
iohannem comitem filium quondam alfani comitis, qui postmodum monachus fuit. et per
ipsam guadiam ipsi aloara et lando et iohannes obligaverunt se et suos heredes semper defendere
ipsis domne theodore et guaimario, et gregorio, et guidoni, et iohanni, et illorum heredibus
integrum illud quod ipsi iohannes et purpura vir et uxor ipsi paldulfo venumdederunt,
sicut suprascripta cartula in qua ipse iohannes iudex subscriptus est, continet, preter suprascripta
cartula in qua ipse grimoalt comes et iudex subscriptus est ab omnibus hominibus.
Hac videlicet ratione, ut quotiens ipsi domna theodora, et guaimarius, et gregorius, et guido,
114
et iohannes, et illorum heredes defensores de eo ipsos aloaram, et landonem, et iohannem et
illorum heredes abere quesierint, totiens ipsa domna theodora et predicti guaimarius, et gregorius,
et guido, et iohannes, et illorum heredes dent eis et eorum heredibus ambo suprascripta precepta,
de quibus in suprascriptis cartulis, ut prescriptum est, declaratum est iusta ratione
salva habenda diebus sexaginta, et per omnes vices illi et illorum heredes ipsis domne theodore,
et guaimario, et gregorio, et guidoni, et iohanni, et illorum heredibus illud, sicut suprascriptum
est, defendant. Et post completos ipsos dies per omnes vices ipsa precepta salva quales
eis data fuerint ipsis domne thoodore, et guaimario, et gregorio, et guidoni, et iohanni et illorum
heredibus reddant. Et tribuerunt licentiam, ut quando ipsi domna theodora et guaimarius
et gregorius, et guido, et iohannes, et illorum heredes voluerint, potestatem habeant illud per
se defendere, qualiter voluerint cum omnibus muniminibus et rationibus quas de eo ostenderint;
Et si, sicut superius scriptum est, ipsi aloara, et lando, et iohannes, et illorum heredes ipsis
domne theodore, et guaimario, et gregorio, et guidoni, et iohanni, et illorum heredibus non
adimpleverint, et suprascripta vel ex eis quicquam removere aut contradicere presumpserint,
per ipsam guadiam obligaverunt se et suos heredes componere ipsis domne theodore, et guaimario,
et gregorio, et guidoni, et iohanni, et illorum heredibus tria millia auri solidos constantinos,
et sicut superius scriptum est adimplere. Et ipse alferada et benzolana per suprascriptam
guadiam obligaverunt se et suos heredes, si suprascripta vel ex eis quicquam removere aut
contradicere presumpserint, componere ipsis domne theodore, et guaimario, et gregorio, et guidoni,
et iohanni, et illorum heredibus tria millia auri solidos constantinos, et taciti ex hoc adversus
illos et eorum heredes permaneant, et tacere ex hoc faciant omnes homines, qui pro
illorum parte et dato quascumque causationes de eo ipsis domne theodore, et guaimario, et
gregorio, et guidoni, et iohanni, et illorum heredibus preposuerint, per suprascriptam guadiam
et obligationis pena. quod superius disturbatum est, in uno loco legitur: supra; et in alio: de
curte sancti; et in altero: parenti. Et taliter te ademarium notarium qui interfuisti, scribere
precepi.
+ Ego qui supra iohannes iudex.
Torna all'inizio