175
+ In nomine domini dei salvatoris nostri Ihesu Christi: Imperante
domino nostro basilio magno Imperatore anno sexagesimo tertio sed et
constantino frater eius magno imperatore anno sexagesimo: die vicesima
mensis iunii indictione sexta neapoli: Certum est me petro qui nominatur
rappulo filio quondam voni abitator in loco qui vocatur arinianum foris
flubeum: A presenti die promtissima volumtate promitto vobis domino pancrati
venerabili igumeno monasterii sanctorum sergii et bachii: qui nunc
congregatus est in monasterio sanctorum theodori et sebastiani qui atpellatur
casapicta situm in viridiarium: et at cunta santa et venerabili vestra
congregatione monachorum memorati sancti et venerabilis vestri monasterii:
propter una terra vestra que abetis in illum monte bestrum
qui est in monte besubeo: una cum arvoribus et introitum suum et
omnibus sivi pertinentibus: coherente sivi ab uno latere est campum bestrum
iuris memorati sancti vestri monasterii que lavorat iohanne presbitero
filio stephani presbyteri: sicuti inter se . . . . . . . . . . . . terre quomodo
aquas exfinat: et in capite ex ipso ribo vestro est iterum terra vestra memorati
vestri monasterii que lavorat memorato iohanne presbytero: et
de alia parte est via qui badit per terra vestra memorati vestri monasterii
qui descendit ipsa via at nonnaria et salit eadem via usque at ecclesia
domini et salvatoris: de uno capite a parte de subtus quomodo discendi
ipsa terra . . . . . . . . . . de illum coniolum qui dicitur murcum: et de alio
capite a parte de supra est terra vestra memorati vestri monasterii que
in vestra reservastitis potestatem: quas vero memorata terra vestra qualiter
per memoratas coherentias eos exegregavimus iuris memorati vestri
monasterii sicuti et quomodo illut continet firmissima chartula securitatis
vestra que de ipsum monte et terris abetis: nobis nostrisque heredibus
dedistis at lavorandum at detinendum: etiam et inclitum illum insertetum
bestrum que ibidem in ipsis terris vestris et in ipsum monte vestrum abetis
in vestra memorati vestri monasterii reservastitis potestatem: in eo tenore ut
memorata terra vestra qualiter per fines exegregatum est ut super legitur in
mea meisque heredibus sint potestate abendi et dominandi seum lavorandi
176
et seminandi et scoropandi et at meliorem cultum perducendi in omnibus
cum vobes nostros et conciaturias vel omnias expensas caucuminas et vites
ibidem omni annuo ponere et plantare debeamus ubi necessum fuerit et
sicut iustum fuerit: etiam et ubi ibidem potuerimus castaneas et insertas:
pastenare tunc illas ibidem pastenare debeamus: et ipsum seminatum que
ibidem seminaberimus super nos illos recolligere debeamus unde nullam
nobis exinde tollatis per nullum modum: tantummodo homni annue ego
et heredibus meis vobis vestrisque posteris exinde terraticum dare debeamus
de que ibidem bernoticum seminaberimus sicuti tulleritis de aliis omminibus
de memorate alie terre vestre de memorato monte bestrum bonum siccum
tractum paratum usque intus memorato vestro monasterio mensuratum at
illum modium cum que tulleritis de ipsis terris vestris de memorato monte
sine omni amaricatione: et desuper quantum binum ibidem omni annue
nobis dominus deus dederis mustum mundum et saccapannas tunc dividamus
illos inter nobis per medietate: vos et posteris vestris et memorato
vestro monasterio medietate: et ego et heredibus meis similiter alia medietate:
et ipsa medietate vestra ego et heredibus meis omni annue vobis vestrisque
posteris traere debeamus gratis usque at illa obedientia vestra sancti basilii
de nonnaria: et ego et heredibus meis illos vindemiare debeamus at omni
nostro expendio: et per vindemias una personas vestra nutrire debeamus
quomodo iustum fueris dum in unum bindemiaberimus: et si per tempore
ibidem castaneas aut insertas abueris tunc omni annue dividamus illas inter
nobis per medietate: vos et posteris vestris et memorato vestro monasterio
medietate: et ego et heredibus meis similiter alia medietate: et omni annue
ego et heredibus meis illos colligere debeamus: et ipsa medietate vestra exinde
omni annue ego et heredibus meis vobis vestrisque posteris traere debeamus
usque at memorata obedientia vestra sancti basilii et ubi ipse pastinus factus
fuerit et ipsum binum diviserimus inter nobis ut super legitur tunc ipse terraticus
moriantur: et quandoque ibidem glandes abuerit ego et heredibus meis
illes colligere debeamus: et dividamus illas inter nobis nostrisque posteris seum
heredibus per medietate: et ipsa medietate vestra qui vos et posteris vestris
exinde tetigeris ego et heredibus meis vobis vestrisque posteris omni
annue illes traere debeamus gratis usque at ipsa obedientia vestra ut super
legitur: et non abeatis licentiam vos et posteris vestris et memorato sancto
177
et venerabili vestro monasterio mihi meisque heredibus illos tollere per
nullum modum nec per summissas personas: vene ego et heredibus meis
illos lavorantes et pastenantes et omnia memorata atimplentes quomodo superius
legitur: set de ipsum insertetum bestrum que ibidem abetis in vestra
siat potestate ut super legitur: et quandoque ego et propriis meis
heredibus illos abrenuntiare voluerimus licentiam et potestatem abeamus
vobis vestrisque posteris et in memorato sancto et venerabili vestro monasterio
illos abrenuntiare pastenatum et vitatum et cum omni sua melioratione
quia ita nobis placuit: si autem aliter fecerimus de his omnibus
memoratis per quobis modum aut summissas personas tunc compono ego
et propriis meis heredibus vobis vestrisque posteris et in memorato vestro
monasterio auri solidos duodecim bythianteos et hec chartula ut super legitur
sit firma scripta per manus sergii tabularii per memorata sexta
indictione +
hoc signum + manus memorato petro qui nominatur rappulo quod
ego pro eum subscripsi +
+ Ego gregorius Curialis testis subscripsi +
+ ego stefanus filius domini cesari testi subscripsi +
+ ego gregorius filius domini sergii testi subscripsi +
+ Ego sergius tabularius Complevi et absolvi per memorata sexta
indictione +
|