|
+ In nomine domini sextodecimo anno principatus domni nostri Guaimarii gloriosi principis,
filii quondam domni guaimarii principis, mense magius, secunda indictione. Memoratorium
factu a me truppoaldus abbas ecclesie sancte marie, que sita est intus anc salernitanam
civitatem et pertinet ipsa ecclesia de eredes quondam domni iohanni olim principis,
Eo quod ante presentia ademari comiti et iudici per combenientiam tradidi iannaci
molinatori filio unum molinum pertinentem ipsius ecclesie qui edificatum
est in flubio lirino. Ideo inclitum ipsum molinum cum redito suo, et cum mole et ferraturiis,
et arcaturiis et trasita et exita sua, et cum omni hordine et regimen, seu pertinentiam
de ipsum molinum, qualiter perfecte macinare possit, et sicut illut tenuerunt alii
molinatori, sic in integrum illut eidem iannaci tradidi cum vice de bia sua, tali hordinem,
ut amodo et usque unum annum conpletum eius sit potestatis illut tenendum et dominandum,
et omnis sue utilitatis ibi faciendum iusta rationem, et molinum ipsum conciare
et facere illum macinare die noctuque, sicut ei placuerit; et quicquit prodem et molituram
inde tollere potuerit usque conpletum ipsum constitutum, totum illut sivi haberet,
tantum pro censum exinde dare nobis, vel ad missum nostrum, seu im pars ipsius
ecclesie, pro isto mense magio quinque modiola de granum, et pro isto mense iunio prius
venturo dare nobis alio similiter quinque modiola de granum bonum, quale intraberit ad
ipsum molinum ad modiolum domnicum culma, mensurata, et iam a kalendas iulias in
antea usque ipsum annum conpletum, si salierit ipso granum, ut divitia siad, dare nobis
per omnis mense septem modiola de granum, et si non salierit ipso granum, dare nobis
per omnis mense usque ipso constitutum ana sex modiola de granum per mensem,
quale intraberit ad ipso molinum ad predictum modiolum domnicum culma mensurata;
et si infra ipso constitutum necessum ibi fuerit mole, seu canale, vel voccale ad ipsum
molinum, nos vel partibus ipsius ecclesie illut eis ibique dare faciamus, et pro alium reditum
ibi faciendum dedimus ei unum aureum tari pro adiutorium; et si plena maiore
de inundatio plubiarum descenderit, qui disrunpad et obruat ipsa arcatura vel ipso molinum,
nos vel partibus ipsius ecclesie stetimus per omnes vices illum facere conciare et
ille manibus suis adiubet ibi ad conciandum, sicut melius potuerit; et si operas perdiderit
ipsum molinum pro ipsa ructura de ipsa plena, nobis illut imputemus; et, si quid absit,
gente venerit super anc civitatem qui impediad, ut non macinet ipsum molinum, tunc
quantum opera perdiderit pro ipsa gentem, nobis illut imputemus, et stetimus nos, seu
pars ipsius ecclesie, inclita ipsa traditione ei defensandum amodo et usque unum annum
conpletum ab omnis homines omnique partibus: ad conpletum ipsum constitutum inclitum
ipsum molinum cum mole et ferraturia, et cum omni ordine et regimen seu pertinentia
sua, qualiter perfecte macinare possad, et cum ipsa redita salba, sicut meruerit
remittad ad potestate mea vel de pars ipsius ecclesie, et licead illum et omines quos ibi
miserit, inde exire cum omni illorum mobilia, et pergat ubi voluerint. Unde in eo hordine
per conbenientiam guadia mihi dedit ipse iannaci, et mediatorem mihi posuit seipsum
et iohannes presbiter filius rosate, ut si taliter omnia suprascripta per supradicto hordine
ipse iannaci nobis non adimpleberit et aliquit inde contradixerint, vel per ipsa guadia
componere obligavit se ipse innaci et suos eredes mihi nominato truppoaldi abbati, vel
im pars ipsius aecclesie, biginti auri solidi costantini. Quod scripsi ego mirandus notarim
qui interfui.
+ Ego qui supra ademari iudex.
| |