1
+ Quoniam et secundum deum. et homines laudabile est benefacere.
et quod iustum est sancte ecclesie donare. idcirco Ego constancia francorum
regis filia. et quondam domini. boamundi antiocheni principis. magne et
imortalis memorie uxor. una cum Karissimo filio meo boamundo. pro anima
prenominati viri mei domini boamundi. et pro animabus parentum nostrorum.
et ut dilectus filius meus boamundus. filius et heres eiusdem viri mei domini
boamundi intercessione semperque virginis dei genitricis marie. honorem.
dominationem. atque longevam vitam habeat. donamus. et concedimus
firmiter per hunc nostrum preceptum sancto monasterio de aversa. Obedientiam
sancti nicholai de beteto cum omnibus suis pertinentiis. et obedienciam
sancte caterine eiusdem beteti. et basilivianum. Concedimus et confirmamus
prefato sancto monasterio obedientiam sancte chenapure de pulicoro. et obedienciam
beati petri de babania. et obedienciam. sancti aroncii de civitate tarenti.
et Obedienciam beate. et gloriose marie de grana. cum omnibus pertinenciis
predictarum obedienciarum. vineis. olivis. terris. puteis. et cisternis.
Damus. et otrizamus prefato sancto monasterio de aversa pro anima prenominati
viri mei domini boamundi. et animabus parentum nostrorum. quinque
piscatores in tarento. videlicet istos. Amicum. filium sichinicarii. et ducam
fratrem eius. et Maurum fratrem eorum. et Georgium filium pudarii. et Angelum
fratrem eius. Ita vero. ut isti quinque piscatores non habeant in mare parvo
ad piscandum nisi solummodo tres lentrones. et de istis tribus lentronibus
non donent terciam. nec aliquam consuetudinem alicui nostro ordinato. Nam
si aliquis homo voluerit violare. seu corrumpere hoc nostrum preceptum.
2
noscat se nostrum amorem perdere. exinde componat micalatos centum. et
preceptum nostrum firmum. et stabile in perpetuum permaneat. Unde ad perpetuam
securitatem. et defensionem prefati monasterii. iussi scribi hoc preceptum
per manus fulconis nostri notarii. et cum plumbea bulla ex nostro
solito tipario expressa bullari eique dare precepi. Anno dominice incarnationis
Milleno Centeno Quintodecimo. Mense martio Indictione Octava.
+ Signum Manus boamundi.
+ Signum manus domine Constancie.
+ Signum manus. Hugonis talabotti.
+ Signum manus goffridi de tarento.
|