|
+ In nomine domini bicesimo anno principatus domni nostri guaimarii, et primo anno
principatus domni iohanni eius filii, gloriosi principibus, mense iunius, sexta indictione.
memoratorium factum a me guidelmo filio roffreda, eo quod ante subscripti idoneis hominibus
coniuntus sum ad conbenientiam cum leo filio quondam iohanni de comite maurone,
propter quod ante os annos, quando tulit uxore anna filia predicti leoni tando, stetid mihi
ad dare in dotis pro ipsa filia suam una tertiam partem de una pecia de terra sua cum
vinea et pomis, quod ille abet in locum fonti, que est per as fines: a parte orientis fine media
sepe et per media ipsa sepe abiente in petra lessedata, et per ipsa petra abiente usque in
bia publica que benit da salernum: a parte occidentis fine ipsa bia, et per ipsa bia pergentem
usque in unum rofaneo, ubi est..... et per ipso rofaneo saliente usque in unum
plescum maiore, et trabersante ipso plescum et pergente usque in pede de una oliba, et
inde pergente usque in ipsa bia. infra ipsas fines ipse leo steti mihi at dare in dotis inde
pro ipsa filia suam inclita una tertiam partem, ut ego et ipsa uxore meam et nostris
eredibus potestatem abeamus de ipsa tertiam partem de predicta rebus fobee et omnis nostres
utilitatis iusta rationem ibi faciamus; et per combenientia obligavit se ipse leo et
suos eredes semper defendere mihi et ad ipsa uxore mea et ad nostris eredibus cuncta supradicta
sua tradictionem, qualiter prelegitur, cum bice de via sua da omnis omines omnique
partibus, et non illut nobis tollere aut contrare; et dedit nobis potestatem, ut quando
boluerimu de supradicta sua tradictione autores esse boluerimus, potestatem abeamus in
omnibus inde causare et finem facere, qualiter boluerimus, cum omnibus muniminibus et
rationibus quas inde abere potuerimus. et si taliter omnia suprascripta per supradicto ordine
ipse leo socerum et genitor nostru et suos eredibus nobis non adimpleberit, et illut bel
exinde remobere aut contrare, seum retornare quesierit, per combenientia componere obligavit
se ipse leo et suos eredes mihi et ad ipsa uxore mea, vel ad nostris eredibus, viginti
auri solidi costantini et in suprascripta inter nos adimplere. verumtamen oc recolimus, ut
inclita ipsam tertiam parte de ipsa rebus per ipsas fines, ego et ipsa uxore mea et nostris
eredibus faciamus exinde omnia quod boluerimus per supradicta obligata penam, quod
scripsit ego petrus notarius.
+ Ego ademari notarius me subscripsi
+ Ego iohannes me subscripsi.
| |