|
+ In nomine domini sextodecimo anno principatus domni nostri Gisulphi gloriosi principis
mense martio, decima indictione. Ante me iohannem iudicem petrus filius quondam iaquinti
coniunctus est cum grisomeno filio quondam leonis greci, et per ipsum grisomenum hostensa
est una cartula, que continebat: In nomine domini, quintodecimo anno principatus domni nostri
gisulphi gloriosi principis, mense septembri, decima indictione. Ante me iohannem iudicem petrus
filius quondam iaquinti coniunctus est cum grisomeno filio quondam leonis greci, et sicut ipsi
petro congruum fuit, sua voluntate, per convenientia per hanc cartulam vendidit ipsi grisomeno
pro parte sua, et pro parte nikolay greci filii suprascripti leonis integram terram illius cum
catodeo de casa fabricam solarata, que est intra hanc salernitanam civitatem in plaga montis,
prope aquam, que dicitur A la palma, per fines et mensuras, iusto pede manus hominis mensuratas.
A parte orientis est finis via publica, et per eam mensurati pedes undecim et medius
usque medium parietem fabricam, que est a parte septemtrionis. A parte septemtrionis est finis
media ipsa pariete. A parte occidentis est finis media paries fabricam, et mensurati intra
ipsam terram, iuxta ipsam parietem, pedes decem minus unciis tribus. A parte meridie est
finis aliorum, sicut medium clusamen discernit, cum omnibus que intra ipsam terram cum
catodeo usque solarium de ipsa casa sunt, cunctisque eis pertinentes, et cum vice de ipsa via.
Ea ratione, ut semper sit in potestate ipsorum germani grisomeni et nikolay et eredum illorum;
et liceat illis et eorum heredibus de eo facere, quod voluerint. Et propter confirmationem huius
venditionis ipse petrus suscepit ab ipso grisomeno pro parte sua et ipsius nikolay germani sui
statutum pretium auri solidos triginta in omni deliberatione. Veruntamen hoc memorare facio,
quia ipse petrus ab ipso solario, quod super ipso catodeo factum est in supra de ipsa casa
ipsi grisomeno vel nikolao non vendidit, nec scalas fabrica que ad ipsum solarium adscendunt,
et per convenientiam ipse petrus guadia ipsi grisomeno pro parte sua et ipsius nikolay dedit,
et fideiussorem ei pro sua et illius parte posuit seipsum; et per ipsam guadiam obligavit se
et suos heredes semper defendere ipsis germanis, et eorum heredibus integrum illud, quod ei,
sicut suprascriptum est, vendidit ab omnibus hominibus et partibus, et tribuit licentiam, ut
quando ipsi germani et eorum heredibus voluerint, potestatem habeant illud per se defendere,
qualiter voluerint, cum omnibus muniminibus, et rationibus, quas de eo hostenderint. Nec non
per convenientiam per suprascripta guadia ipse petrus obligavit se et suos heredes, ut si
quolibet tempore de ipsa casa ab ipso solario, quod superius dictum est in supra, et in ipsis
casis daturum, aut venditurum habuerint ipsis germani grisomeno et nikolao et eorum heredibus
illud vendant, et dent pretio quo iuste fuerit appretiato; et faciant ipsos germani et eorum
heredes scire pro eo emendo per tertio constituto usque dies triginta et sex, et si illud, sicut
suprascriptum est, emere noluerint, liceat ipsum petrum et eius heredes post ipsorum dierum
constitutum de eo facere, quod voluerint. Nam si ante ipsa constituta cuicumque illud vel ex
ipso dederint sine solutione ipsorum germani vel heredum illorum, sicut de eorum potestate
videatur esse subtractum, tunc sine pretio rebertatur ad potestatem ipsorum germani et eredum
illorum, faciendum ex eo, quod voluerint, et ipse petrus et eius heredes semper illud eis defendant
ab omnibus hominibus, et si, sicut superius scriptum est, ipse petrus et eius heredes
ipsis germanis et eorum heredibus non adimpleverint, et suprascripta vel ex eis quicquam
removere aut contradicere presumpserint, per ipsam guadiam per convenientia obligavit se et
suos heredes componere ipsis germanis et eorum heredibus centum auri solidos costantinos,
et, sicut superius scriptum est, adimplere, et taliter te grimoaldum notarium, qui interfuisti,
scribere precepi. Ego qui supra iohannes Iudex. Cum autem supradicta cartula fuit hostensa,
sicut ipsi petro congruum fuit, sua voluntate per convenientia per hanc cartulam vendidit ipsi
grisomeno pro parte sua et suprascripti nikolay germani sui integram medietatem in parte
septemtrionis de predicto solario ipsius case, per suprascriptas fines et mensurias, quemadmodum
suprascripta cartula continet, et qualiter ipsa medietas conciata et edificata est cum omnibus,
que intra eam sunt, cunctisque eius pertinentiis, et cum vice de ipsa via et cum suprascriptis
scalis fabritis, quantum de eis ad ipsam medietatem coniuncta est. Ea ratione, ut semper sit
in potestate ipsorum germanorum grisomeni et nikolay et eredum illorum, et liceat illos et
illorum heredes de eo facere, quod voluerint. Tantum potestatem habeant ipse petrus et eius
heredes, et homines quos voluerint per ipsas scalas adscendere et descendere cum omnibus
illorum congruitatibus iuxta rationem usque ad aliam medietatem de ipso solario. Et propter
confirmationem huius venditionis ipse petrus suscepit ab ipso grisomeno statutum pretium, pro
parte sua et ipsius nikolay, tarenos bonos amalfitanicos quadraginta octo in omni deliveratione.
Et per convenientiam ipse petrus guadiam ipsi grisomeno pro parte sua et ipsius nikolay dedit,
et fideiussorem eius pro sua et illius parte posuit seipsum. Et per ipsam guadiam obligavit se
et suos heredes semper defendere ipsis germanis et eorum heredibus integram suprascriptam
venditionem, quemadmodum superius legitur, ab omnibus hominibus. Et tribuit ipsi grisomeno
licentiam, ut quando ipsi germani et eorum heredes voluerint, potestatem habeant eandem
venditionem, sicut suprascriptum est, per se defendere, qualiter voluerint, cum omnibus muniminibus
et rationibus, quas de ea hostenderint. Et si, sicut superius scriptum est, ipse petrus
et eius heredes ipsis germanis et eorum heredibus non adimpleverint, et suprascripta vel ex
eis quicquam removere, aut contradicere presumpserint, per ipsam guadiam obligavit se et
suos heredes componere ipsis germanis, et eorum heredibus triginta auri solidos constantinos,
Et, sicut superius scriptum est, adimplere. Quod autem superius disturbatum est, legitur: verumtamen
hoc memorare facio. Et taliter te grimoaldum notarium et advocatum qui interfuisti
scribere precepi.
+ Ego qui supra iohannes Judex.
| |