|
+ In nomine Domini. Vicesimo sexto anno principatus
domni nostri Gisulfi gloriosi principis, mense decembri
sexta indictione. Ante me Petrum iudicem Rottelgrimus comes
filius quondam Grimoaldi comitis et Gemma uxor sua
filia quondam Landolfi comitis coniuncti sunt cum Romoaldo
notario filio quondam Iohannis notarii. et ipsi vir et
uxor clarificaverunt se habere terram cum arbusto et vinea
et vacuo foris hac civitate in loco Felecta ubi a la Pastena
dicitur [per fines et mensu]ras iusto passu hominis mensuratas:
a parte septemtrionis est finis via et intra ipsam
terram prope ipsam viam recte mensurati passus septuaginta;
a parte orientis est finis media sepes et limes, et intra
ipsam terram prope ipsam sepem recte mensurati passus
centum viginti et quattuor; a parte meridiei est finis sicut
totus limes et sepes istius terræ discernit et coniungit in
viam antiquam, et per ipsam viam vadit in partem occidentis
et sunt per totam istam partem recte mensurati prope
ipsum limitem et sepem et viam passus hoctoginta; ab ipsa
parte occidentis est finis terra ipsius Romoaldi, quam a
Petro germano ipsius Rottelgrimi et Alfarana uxore illius ipse
Romoaldus per firmam cartulam paratam habet qualiter ab
ipsa via antiqua vadit usque suprascriptam alteram viam septemtrionalem
et de integra ipsa terra per suprascriptas fines
et mensuras quartam partem pertinere dixerunt suprascriptæ
Gemmæ per datum ipsius viri sui et tres partes ipsi Rottelgrimo.
et sicut ipsis viro et uxori congruum fuit, sua sponte,
per hanc cartulam, ipsa tamen Gemma cum voluntate eiusdem
Rottelgrimi viri sui, tradiderunt ipsi Romoaldo integram
ipsam terram per iamdictas fines et mensuras cum omnibus
quæ intra eam sunt cunctisque eius pertinentiis et cum vice
de ipsis viis. ea ratione ut semper sit in potestate ipsius Romoaldi
et heredum eius et liceat illum et eius heredes de eo
facere quod voluerint. et propter confirmationem huius traditionis
ipsi vir et uxor susceperunt ab ipso Romoaldo statutum
pretium tarenos bonos presentis monetæ centum in omni
deliberatione. et per convenientiam ipsi vir et uxor Rottelgrimus
et Gemma guadiam ipsi Romoaldo dederunt et fideiussorem
ei posuerunt Ursum cognatum illorum filium Sergii
Atrianensis, et per ipsam guadiam obligaverunt se et
suos heredes semper defendere ipsi Romoaldo et illius heredibus
integrum illud quod ei sicut suprascriptum est tradiderunt
ab omnibus hominibus et tribuerunt ipsi Romoaldo licentiam
ut, quotiens ipse Romoaldus et eius heredes voluerint, potestatem
habeant illud per se defendere qualiter voluerint cum
omnibus moniminibus et rationibus quas de eo ostenderint.
et si sicut superius scriptum est ipse vir et uxor et eorum heredes
ipsi Romoaldo et illus heredibus non adimpleverint
et suprascripta vel ex eis quicquam removere aut contradicere
presumpserint, per ipsam guadiam obligaverunt se et suos
heredes componere ipsi Romoaldo et illius heredibus quinquaginta
auri solidos constantinatos et sicut superius scriptum
est adimplere. omnia autem suprascripta fecit ipsa Gemma
cum voluntate ipsius viri et mundoalt sui et iamdictus Ursus
suprascripta fecit presente ipso Sergio patre suo et per
illius licentiam. qui etiam Sergius per convenientiam obligavit
se, si suprascripta vel ex eis quicquam removere aut
contradicere presumpserit, componere ipsi Romoaldo et illius
heredibus quinquaginta auri solidos constantinatos et tacitus
ex hoc adversus illum et eius heredes semper permaneat.
verumtamen suprascriptus Grimoaldus genitor ipsius Rottelgrimi
postmodum etiam monachus fuit. Et taliter tibi Grimoaldo
notario scribere precepi. S.
+ Ego qui supra Petrus iudex. S.
| |