75
+ In nomine domini dei salvatoris nostri Ihesu Christi Imperante domino
nostro basilio magno imperatore anno quinquagesimo sexto sed et
constantino frater eius magno imperatore anno quinquagesimo tertio die tertia
mensis decembrii indictione quartadecima neapoli: Definivimus nos iohannes
gratia dei archiepiscopus sancte sedis neapolitane ecclesie nos autem pro
vice de memorata sancta nostra neapolitana ecclesia et pro vice de monasterio
nostro ipsius sancte neapolitane ecclesie vocabulo sancte marie que nominatur
de illa turre sita in monte besubeo: vobiscum denique pancratio
umilis igummeno monasterii sanctorum sergii et bachi qui nunc congregatus
est in monasterio sanctorum theodori et sebastiani qui appellatur casapicta
situm in viridiarium et cum cuncta sancta et venerabili vestra congregatione
monacorum memorati sancti et venerabilis vestri monasterii: De intentione
que inter nos abuimus propter monte bestrum una cum terras arbustatas
et camperes positas in loco qui vocatur nonnaria in eodem monte besubeo
quas inferius per fines exegregamus: insimul una cum arvoribus fructiferis
vel infructiferis et cum balles et coniolas suas et scapulis et ripis seu ribis
quamque et cum cerquetis et castanietis et insertetis et cum introitas earum
omnibusque eis generaliter et integro pertinentibus: coherente sivi insimul incipiente
a prima parte est fine qui nominatur de iohanne quomodo aquas exfinad.
et quomodo badit et salit in sursum directum per ipsum ribum qui
nominatur de iohanne sicuti aqua exfinat usque ad illa via publica que nominatur
trasenda de arinianum et da inde quomodo salit per illum lavinatum
et da ipsum lavinatum quomodo badit et revolbit per terra de illi de tribunum
marinum. et da inde quomodo salit et vadit per terra de monasterio
nostro sancti salvatoris situm in eodem monte besubeo. etiam et ipsa terra
de memorato monasterio nostro sancti salvatoris est coniunta cum terra memorati
vestri monasterii sancti sebastiani quomodo inter se termines exfinad.
et da inde quomodo salit in sursum et revolbit per terra unde intentione
abemus cum illi Iellalella et cum consortibus eorum et iusta intersicum
qui est coniolus ipsius vestri monasterii sancti sebastiani et quomodo
salit in sursum sicuti aquas exfinat et badit in capud de ribo qui
76
nominatur mandra gentiula. et a foris ipso ribo qui nominatur mandra
gentiula sunt coniolas memorati nostri monasterii sancti salbatoris sicuti
aqua exfinad: da secunda vero parte est monte et silbis memorata sancta
nostra neapolitana ecclesia. sicuti inter se quadtuor termines marmoreos
finiendo posuimus: incipiente da capite de ipso ribo qui nominatur mandra
gentiula sicuti aqua exfinat et quomodo salit et revolbit da illum iectum
et da ipsum iectum quomodo badit in primo termine quem fiximus non
longe da illa cerqua qui dicitur plumbata et da ipso primo termine quomodo
badit per trabersum in secundo et tertio seu quarto termine que
fiximus iusta via qui pergit a memorato monasterio nostro sancti salvatoris:
a tertia vero parte incipiente da ipso quarto termine qui est fictus iusta
memorata via et qualiter descendit per ipsa via in caput de ribo qui nominatur
de illa sancta. et a foris eadem via est scapula et silba de monasterio
nostro sancti archangeli situm in eadem monte besubeo et a foris
eadem scapula et silba memorati nostri monasterii sancti archangeli est silba
et monte memorata sancta nostra neapolitana ecclesia: et da capite de ipso
ribo qui nominatur da illa sancta quomodo descendit in eo finiendo per
ipsum ribum sicuti aqua exfinat: a quarta vero parte in pede. de ipsum
monte bestrum sunt terris memorati vestri monasterii sancti sebastiani: set
intus hec finis sunt vie qui pergit at memorata monasteria nostra et at alia
monasteria nostra que abemus in memoratum monte simul et at memoratum
monte et silbe nostre: unde dicevat pars nostra adversus vos quia de
memoratum monte et de memoratis terris qualiter superius illos per ipsas
fines et per ipsos terminos exegregavimus qualiter superius legitur ex parte
exinde est de memorata sancta nostra neapolitana ecclesia et ex parte exinde
est de memorato monasterio nostro sancte marie qui nominatur at illa turre:
volumus ud abeamus nobis illos sicuti de antea illos abuimus et tenuimus:
pars autem vestra replicans dicens absit ut sint ita: set dicebatis. ud in memoratum
monte et terris qualiter superius illos per ipsis terminis et per
ipsas fines exegregatum est sicuti et quomodo superius legitur memorata
sancta nostra neapolitana ecclesia aud memorato nostro monasterio sancte
marie qui nominatur ad illa turre ibidem nullam dominationem abuissemus
nec aberemus per quadragintam annos set proprius fuisset et est de memorato
vestro monasterio sancti sebastiani unde multa haltercatione exinde
77
inter nos abuimus nunc autem peressimus ambas partes ibique supra cum
iudices publicos. et dum taliter ante eis altercassemus iudicaverunt exinde
inter nobis ud si aberemus chartules ostenderemus illes ante eis inter partes:
et quia in presentis ibidem ante eis ostensistis chartules membranes
et de tumbos qui illos continent et ante eis ille relegere fecimus. Insuper
et ostensistis nobis ibique supra ante eodem iudices omminibus et certificaverunt
quomodo memoratum monte et memoratis terris cum omnibus suis
pertinentiis sicuti per memoratas fines et per memoratis terminis illos exegregatum
est qualiter superius legitur proprius fuisset et est de memorato
vestro monasterio sancti sebastiani et memorata sancta nostra neapolitana
ecclesia aut memorato monasterio nostro sancte marie qui nominatur ad illa
turre ibidem nullam dominatione abuissemus nec aberemus per legem hecce
per quadragintam annos: etiam et ipsi iudices ipse chartule audientes et ipsa
testimonia taliter certificantes iudicaverunt exinde inter nobis oc iudicium
ud iurare faceretis nobis octo personas de memoratis omminibus qui nobis
ostensistis et dicere per ipsa sacramenta ud memoratum monte et memoratis
terris cum omnibus suis pertinentiis qualiter et quomodo superius illos per
memorati fines et per memorati terminis exegregatum est qualiter superius
legitur proprius fuisset et est de memorato vestro monasterio sancti sebastiani:
et memorata sancta nostra neapolitana ecclesia aud memorato monasterio:
nostro sancte marie qui nominatur at illa turre intus ipsas fines
et iamdicti termines nullam dominationem abuisset per legem hecce per quadragintam
annos: Iterum et iurare faceretis nobis una persona ipsius vestri
monasterii et dicere per sacramentum ut qualiter illut memoratis omminibus
adfirmaberunt taliter fuisset et est memoratas fines et memoratus vester
monasterius sancti sebastiani illut tenuit et dominavit hecce per quadragintam
annos et memorata sancta nostra neapolitana ecclesia aut memorato
monasterio nostro sancte marie ibidem nullam dominatione abuisset per
legem intus quadragintam annos: nos autem poneremus vobis exinde securitate:
et quia in presentis accepimus a parte vestra memorata sacramenta
et itur definivimus exinde vobiscum in omnibus et amodo et semper numquam
presumimus nos aut posteris nostris nec memorata sancta nostra neapolitana
ecclesia aut memorato nostro monasterio sancte marie nec abeamus licentiam
aliquando tempore vos aut posteris vestris aut memorato vestro monasterio
78
sancti sebastiani de memoratum montem et terris insimul una cum
arvoribus fructiferis vel infructiferis et cum balles et coniolas suas et scapulis
et ripis seum ribis quamque cum cerquetis et castanietis et insertis
et cum introitas earum omnibusque eis generaliter et integro pertinentibus
sicuti et quomodo superius illos per memoratas fines et ipsis termines exegregatum
est qualiter superius legitur exinde querere per nullum modum
nec per summissis personis nullamque adinventam rationem a nunc et in
perpetuis temporibus: insuper promittimus et firmamus vobis ut si quobis
tempore exieris quabis personas qui vos aut posteris vestris vel memorato
vestro monasterio sancti sebastiani exinde quesieris per nos aut per nostris
posteris aut per memorata sancta nostra neapolitana ecclesia vel per ipso
monasterio nostro sancte marie qui nominatur ad illa turre per quobis modum
tunc nos et posteris nostris et memorata sancta nostra neapolitana ecclesia
vobis vestrisque posteris illos exinde desuper tollere debeamus absque onmi
vestra damnietate nullam exinde mittentes occansione: tantummodo ipse vie
ut super legitur tu et posteris tuis vel memorato vestro monasterio sancti
sebastiani nobis nostrisque posteris et a memorata monasteria nostra illos
contrare non debeatis set ipse vie ibidem exere debeas sicuti de antea fecerimus
quia ita inter nobis iudicatum est: Si autem nos aut posteris nostris
aliter fecerimus de his omnibus memoratis ut super legper quobis
modum aut summissis personis tunc componimus nos et posteris nostris et
memorata sancta nostra neapolitana ecclesia vobis vestrisque posteris et in
memorato monasterio vestro sancti sebastiani auri libras duas bythianteas et
ec chartula securitatis ut super legitur sit firma scripta per manus sergii
tabularii per memorata quartadecima indictione +
+ iohannes archiepiscopus subscripsi +
+ ego leo filius domini iohannis testis subscripsi +
+ ego sergius filius domini iohannis testi subscripsi +
+ ego iohannes filius domini sergii testi subscripsi +
+ Ego sergius tabularius Complevi et absolvi per memorata quartadecima
indictione +
|