|
+ In nomine domini anno tricesimo principatus domni nostri guaimari et tertio anno
principatus domni iohanni eius filii, gloriosi principes, mense aprilis, prima indictione.
Memoratorium factum a me leonti abbas, eo quod ante subscripti idoneis hominibus per
bona convenientia tradidit michi manni castaldus filius petri, pro pars et vice alfani comitis
filii quondam landoni, et pro pars et vice landoni nepotem ipsius alfani comitis, inclite
ipse terris de ipse caselle, qualiter illos tenuit cosma carcpusirfi. As fines abet terris ipse.
De una parte fine flubio calore nigro et coniungit in flubio siler, et inde saliente in ballone
de ipso columbro et coniungente in serra, que ibi est, et da inde rebolbente in ipso ballone
iusta iscla de sancta maria et coniungente in ipso flubio calore; per iste finis ipse
manni pro pars ipsorum alfani comiti et landoni michi tradidi tali ordine, ut amodo et
diebus vite mee tote ipse terris, ud dictum est, in mea sint potestati tenendi et dominandi,
et fovee et omnes nostre utilitati iusta rationem ibi faciendi, et ominibus ad laborandum
in ipse terris mittamus, seu ad avitandum, qualiter novis placuerit; et quodcumque edificium
nos in ipse terris, seu molina edificare boluerimus per ipsis albeis de ipsis fluminis,
nostre sint potestati, qualiter voluerimus, et vinee ibidem pastenemus et ad pastenandum
demus, ubi boluerimus in ipsa rebus; et amodo et usque quinque anni completi hecclesia
ibi faciamus et edifikemus in onore sancti enufri, et monachos ad ipsa ecclesia congrechemus,
et in ipsa ecclesia ibi officiemus et officiare faciamus, qualiter meruerit; et si talem
causam in ipsa ecclesia introierit, ud ornamentum sit de ipsa ecclesia, semper siant in
ipsa ecclesiam, ita ut quantum frudium exierit de tote et inclite ipse terris, et omnis vinum
quam ibi fecerimus, totum nostre sint potestatis diebus vite mee, faciendum ego et
ominibus meis que ibi miserimus, omnia que boluerimus, et nullam exinde ipse alfanus
et lando nepote suo exinde querad tollere: tantum da tempum in antea omni tempore, dum
ego vibus fuero, demus ipsius alfani comiti et landoni nepoti suo censum, qualiter suliti
sunt dare abbati de sancta maria de ipsi venlali, ad die vero obiti meis omnia mea causa
medietatem siant in ipsa ecclesia, reliqua ipsa alia medietatem potestatem abeamus dare
pro anima mea; et amodo et dum parutus sit, ut ipsi alfanus comes et lando predicte terris
tenuerit sue potestatis da pars palatii, illis autem defensaret michi et ad ipsi ominibus,
que ibi miserimus, predicta tradictione per supradicte finis, cum vice de via sua, da
omnes omines omnique partibus, et non illis tollere aut contrare diebus vite mee. de qua
per bona comvenientia guadia michi ipse manno dedi pro pars de ipsum alfanus et lando,
et mediatorem michi posuit ioannes filius quondam ioanni iudici, ud si taliter quemammodum,
ud supra legitur, exinde quesierit remobere aut contrare, et de suprascripta
exinde contradixerit, per bona comvenientia per ipsa guadia obligavit se ipse alfanus comes
triginta auri solidos constantinos, quod scripsi ego alderissi notarius.
+ Ego qui supra alfanus.
| |