|
357
In nomine Dei eterni amen. Hic tenor cuiusdam publici instrumenti scripti manu Viviani iudicis et notarii sub anno Domini Millesimo Cliii, regnante Federigo rege, quarto kal. iulii, indictione prima. Tenor cuius instrurnenti talis est.
In Dei nomine. Anno ab incarnatione domini nostri lesu Christi (M. c. Im.). Manifesti sumus nos Clariellus et Plantanellus filius Bernardini et Ranerius frater eius
et Gruamonte
p. 483
cum licentia Bernardini, et nos Azzo et Isacco filii quondam Guariscii, nos omnes insimul bona voluntate, iure donationis inter vivos, perpetue et irrevocabiliter tradimus et
concedimus tibi Munaldo rectori et gubernatori Aretine civitatis, recipienti vice reipublice
predicte civitatis et (ecclesie) beate Marie semper virginis et fratrum ibidem
Deo servientium in perpetuum, idest integrum ius nostrum et tenimentum et turrem
de castello Vitiano, cum omni hedifitio suo et cum curte sua, sicut a nobis usque modo
detenta est per loca et vocabula propria, cum hominibus et residentibus et redditibus
et pensionibus et accessionibus propriis; castellum Vitiani sive et turrem cum curte sua supradicto Comuni et ecclesie sancte Marie et fratribus ibidem Deo servientibus iure
donationis inter vivos perpetue et irrevocabiliter tradimus et concedimus, et exinde predictam
ecclesiam ad proprium investimus, et corporalem investitorem dedimus. Exinde
autem et meritum secundum legem recepimus, quatenus ab hodierna die tam supradicta
respublica Aretine ciuitatis, quam supradicta Dei ecclesia et rectores eius pro
tempore habeant et detineant sine nostra nostrorumque filiorum vel heredum molestia
vel litis causatione. Quod si in aliquo exinde nos presumpserimus molestare, contendere,
minuere, aut per placitum vel extra placitum fatigare, aud ab omnibus hominibus non defensaverimus,
auctorizaverimus, guarentaverimus, aud si apparuerit datum vel factum
a nobis huic nostre traditioni nociturum, tunc promictimus et obligamus nos et nostros filios vel heredes supradicto Comuni Aretine civitatis et ecclesie
sancte Marie site in suburbio eiusdem civitatis et rectoribus eius pro tempore componere eas res in duplum,
sicut tunc valuerint sub extimatione pretii; et insuper pene nomine argenti optimi libras centum. Et post penam solutam valeat hec carta et traditio in perpetuum. Ut autem
hec omnia bona voluntate perdurent et firma permaneant, omni anno in festivitate sancti Donati, quasi pensionis iure, dabimus duos cereos XII librarum supradicte Dei
ecclesie sancte Marie. Et predictum castellum cum curte iure feudi recipemus ab ecclesia et Comuni civitatis. Hoc quoque pacto, ut omni tempore quod iuravimus predicto
p.484
Comuni et civitati firmum et ratum teneamus. Si quis vero nostrorum, quod absit,
illa omnia firma non tenuerit, pars sua et tenimentum ad ecclesiam predictam et rempublicam eiusdem civitatis sine diminutione et aliqua occasione revertatur. Unde
hec carta rogata est a Viviano iudice. Actum in presentia populi, in parlamento, in civitate
Aretii feticiter.
Signa manuum supradictorum Clarielli et Plantanelli et Gruamonte et Rainerii et
Azzi et Isacci, qui hanc cartam fieri rogaverunt.
Signa manus Bustole filii quondam Ugonis et Redolfini filii quondam Ubertini et
Hominisdei Bocacionis et Aringerii filii quondam Baldovini et Tigrimi et Bernardini
Pandegrano et Sterpoli filii quondam Nerli rogatorum testium.
Ego Vivianus iudex et notarius scripsi et complevi.
Ego Deodatus filius quondam Boncompagni imperiali auctoritate not. et tunc Comunis et populi
scriba, sicut inveni in autentico et publico originali instrumento manu predicti Viviani iudicis et
notarii confecto, ita predicta omnia, cum auctoritate et spetiali mandato et decreto domni Gregori(i)
Azziguidi honorabilis capitanei Comunis et populi Aretii et domni Guilielmini olim domni Guidonis
eius iudicis et assessoris et Cambi Rainaldi castellani et Accursii de Arnaldis prioris dominorum
XXIIII or
eiusdem Comunis et populi, fideliter transcripsi et exemplavi de verbo ad verbum, nichil addendo vel minuendo per quod substantia contractus possit in aliquo ledi, vitiari vel mutari;
et ideo me subscripsi et de auctoritate et mandato predictorum dominorum capitanei
et eius iudicis
et prioris dominorum XXIIII or , meumque signum apposui.
Ego Sturione filius Iohannis sacri palatii not. prout inveni in exemplo transumpto et exemplato
manu Deodati not. filii quondam Boncompagni, extracto de originali instrumento facto manu
Viviani iudicis et notarii, fideliter exemplavi, nil addendo vel minuendo; ideo meum
signum apposui.
| |