|
+ In nomine domini vicesimo primo anno principatus domni nostri Guaimarii gloriosi
principis, mense iunius, septima indictione. Memoratorium factu a me amorus presbiter .....
in sacro salernitano palatio ante petrus clericus et abbas ecclesie sancti petri cappella
ipsius sacri palatii, et ibidem adesset toto advocator ipsius ecclesie et aliis subscripti idoneis
hominibus, venit iohannes filius quondam petri et grimoaldus et boni germani filii
ipsius iohanni, et per illis ostensum est unum brebem continentem: de quintodecimo anno
principatus supradicti domni guaimarii de mense magius, prima indictione, ego predictus
amore presbiter per absolutionem ipsius abbati et una cum predicto toto tradideram ipsorum
pater et filiis terra pertinentem ipsius cappelle de locum veriniannum a super flubio grancario,
quod ego in beneficium teneo a pars ipsius ecclesie, et iam ante os tempore rebus ipsa
in sortionem obbenerad in pars ipsius cappelle a quedam mulierem nomine grusa, relicta
cuidam maraldi, et da duas filias suas, nomina earum aloara uxor iohanni et sanda uxor
amati, et da petrus clericus filius ursi per finis et mensuriis, sicut continunt scriptora divisionis
que inde facti sunt, que nos tando illorum tradideram per hec finis et mensuriis:
per capite a pars meridie fine bia antica, inde passi centum biginti tres, et ab inde pergentem
et descendente a pars orientis per medio ballone, unde per iemps aqua decurrit,
usque medio flubio grancario, sunt exinde per mensuria passos centum triginta sex, et a
medio ipso flubio grancario salientem et quasi a pars occidentis iusta bia communem inde
per ipsa bia communem usque iamdicta bia suprana, antica, que est priore finem, inde passi
centum quadraginta quadtuor, mensuratum ad passum de ecclesia sancti mathei de archiepiscopio
salernitano: per iste finis et mensuriis illut illorum tradideram, fobee et omnis sue
hutilitatibus ibi faciendum iusta ratione, et sue potestatis illut tenendum, et si voluerint, ibi
residendum, et in medietate de ipsa rebus usque decem anni conpleti pastenandum illut de
bono vitineo et cannietum et salicetum seu pomis,et ipsa alia medietate ..... pastenarent
et operarent arbustum et vites de bono vitineo seu pomis …….. vinea et arbustum
factum abuerint sive cannietmn et salicetum vel ……. pars ipsius cappelle et illis et suis
eredibus dividere ipsa terra cum vinea per medium, et ipsa alia terra cum arbustum dividerent
in tertiam pars, et de ipsa binea cannietum vel salicetum seu pomis conprehendere
pars ipsius ecclesie medietatem et illis traderet ipsa alia medietate, et de ipsa terra cum
arbustum conprehendere pars ipsius ecclesie due sortis, et illorum inde traderet inclita
tertiam pars cum vice de biis suis, et in omni hordine et tenorem, sicut ipso brebem continet,
scriptum per alderisio notario, et ibidem scriptum ipsum petrus abbas et ipsum totum;
et ego predictus amorus presbiter et aliis; et dum ipso brebem fuit relectum, et magna
pars de rebus ipsa pro inundatio aquarum que ibi superabundavit fuit et dragonavit,
que nullatenus ipsi pater et filiis se posse conplire, asserunt, ut medietatem rebus ipsa
infra predicte finis et mensuriis assignare in pars ipsius ecclesia arbustum, sicut per
ipso brebem obligati sunt; ceperunt illis opsecrare ipsum abbatem ……… predictum
advocatorem, ut misericordiam faceremus eorum, quatenus in due sortis de ipsa rebus largitatem
haberent facere vinea seu pomis atque salices, et in ipsa tertiam pars de ipsa
rebus pastenarent arbustum seu pomis vel cannietum; et cum diutissime talia opsecrantes
viscera pietatis permoti sumus, et solutionem ipse abbas una nobiscum et cum ipso advocatorem
eorum dedimus talia faciendum, ut in ipse due sortis de ipsa rebus infra predicte
finis et mensuriis pastenarent et hoperarent vinea de bono vitinio seu salicetum et pomis,
et in ipsa tertiam pars de ipsa rebus pastenarent arbustum cum vites de bono vitineo seu
cannietum et pomis seu insites, ubique in eadem rebus potuerint facere, et totum eos cultare
et hoperaret annualiter amodo et usque sex anni conpleti de super et de supter, sicut locus
ipse meruerit, ut bonum paread laboratum et cultatum; et a quo parutus fuerit, ut de ipsa
vinea vinum exead, faciant nos vel pars ipsius cappelle scire per annum de vindemie, ut
ibi eamus, aut dirigamus missum nostrum, et illis vinea ipsa vindemiare et poma exinde
colligere, et ibique ad palmentum omnis vinum et poma, quod inde exierit, per medietatem
inter nos dividamus: nos vel missum nostrum medietatem, et illis vel suis heredibus
medietatem, per partes faciendum quod voluerimus; et de quantum vinum et poma exierit
de ipsa terra cum arbustum amodo et usque ipsi sex anni, nullam inde nobis vel in partibus
ipsius ecclesie daret, set totum illut sivi haberet; tantum de quod ibidem in ipso arbustum
seminaberint, annualiter terraticum inde nobis vel in pars ecclesie daret secundum
consuetudinem de ipso locum. Ad conpleti ipsi sex anni, ut amodo in antea se conplead,
habeant in tota ipsa rebus per iamdicte finis et mensuriis vinea et arbustum perfectum,
seu cannietum, vel salicetum, seu pomis, totum operatum et cultatum de super et
de supter, sicut locus ipse meruerit, et a pars de ipsa bia conmunem habeant illud clusum;
sic tamen ut in due sortis de ipsa rebus haberent, ut diximus, factam perfecta vineam, seu
salices vel pomis, et in ipsa tertiam pars de ipsa rebus haberent perfectum arbustum, seu
pomis atque cannietum, seu insites, et plicemus nos sive partibus ipsius cappelle, et ipsi
pater et filiis vel illorum eredes dividant tota ipsa terra cum vinea, seu cannietum vel
salicetum, seu pomis, de quantum in ipse due sortis de ipsa rebus factum habuerint, per
medium equaliter, et nos conprehendamus inde prius inclita medietate, in quale parte
voluerimus, et illorum tradamus ipsa reliqua medietate; et ipsa tertiam pars de ipsa rebus
que fuerit factum arbustum vitatum seu pomis, dividant illut in tertiam pars: nos vel partibus
ipsius ecclesie tollad inde prius inclite due sortis, in quale parte voluerimus, et illorum
tradamus exinde tertiam pars cum vice de viis suis, pro partes faciendum quod boluerimus,
et per firmam scriptionem divisionis secundum legem et consuetudinem terre
istius facta cum pena obligata de sexaginta auri solidos, ut omni tempore illis vel suis
eredibus securiter illut abere possant, defensatum semper per partibus ipsius ecclesie da
omnes homines omnique partibus: reditum vel palmentum que ibi habuerint, si venerit in
ipsa sortionem illorum, habeant illut sivi; et si venerit in ipsa nostra sortionem, potestatem
haberent illut exinde disturbare et portare ad ipsa sua sortione, absque contrarietatem de
partibus ipsius ecclesie; et si aliquando ipsa sortione illorum daturam aut vindituram
habuerint in pars ipsius ecclesie, illud vindant ad iusto pretium que iuste fuerit appretiatum,
et faciant scire pars ipsius ecclesie pro illut tollendum per tertio constitutum usque
dies triginta sex; et si infra ipsa constituta pars ipsius ecclesie noluerint illut emere et dare
inde illorum iusto valiente pretium, post ipsa constituta licead illis eos dare cui voluerint;
nam, si ante ipsa constituta sine licentiam de pars ipsius ecclesie illut vel exinde dederint,
sicut de illorum potestatem esset sustractum, sine pretium revertad ad potestatem ipsius
ecclesie; tantum amodo et usque ipsi sex anni conpleti ipse abbas suosque successores vel
partibus ipsius cappelle antistare et defensare illorum et ad illorum heredes tota supradicta
tradictione cum vice de bie sue da omnes homines omnique partibus, et non queramus
antea illut eis tollere aut contrare. Unde in eo hordine per bona conbenientiam guadia
mihi ipsi pater et filiis dederunt, et mediatorem mihi posuerunt petrus filius quondam
racci; et per eadem guadia obligaberunt se et suis eredibus, ut si taliter omnia suprascripta
nobis vel in pars ipsius cappelle non adimpleberit et aliquit inde contradixerit,
per ipsa guadia componere obligaberunt se et suis eredibus nobis vel in partibus ipsius
cappelle quinquaginta auri solidos constantinianos. Verumtamen hoc memoramus, que placuit
inter nobis, ut ipso cannietum faceret solummodo in ipsa terra cum arbustum in uno
loco et eum cultare et hoperaret, sicut meruerit, et cannietum ipsum salbum omni tempore
facerent, et annualiter omni tempore faceret scire pars ipsius cappelle et illis totum
ipse cannietum abscidere, et per medietatem illut inter nos dividamus: pars ipsius cappelle
tollad ille medietatem, et illis et suis eredibus medietatem, per partes faciendum inde quod
voluerimus, et de ipso vinum et pomis quod diximus, superius tollere medietatem, et illis
medietatem; usque ipsi sex anni de ipsa vinea placuit inter nobis, ut annualiter de vindemie,
et diximus faceret nos vel partibus ipsius ecclesie scire, ut ibi pergamus, aut dirigamus
missum nostrum, et omnis vinum et pomis quod inde exierit, in tertiam pars illud
dividamus: pars ipsius ecclesie tollad inde tertiam purs, et illis due sortis, et de ipso
arbustum nullam nobis dare usque ipso constitutum preter ipso terraticum per iamdicta
guadia et obligata penam, et unc brebem scripsi ego mirandus notarius qui interfuit.
+ Ego theodericus me subscripsi
+ Ego petrus notarius me subscripsi..
| |