|
+ In nomine domini vicesimo tertio anno principatus domni nostri gisulfi gloriosi principis,
mense maio, secunda indictione. Ante me petrum iudicem petrus filius quondam petri comitis
qui fuit filius Adelferii comitis et miranda uxor sua filia quondam lamberti comitis coniuncti
sunt cum petro atrianense qui cognominatur sfagilla filio quondam sergii atrianensis. Et ipsi
vir et uxor petrus et miranda clarificaverunt se habere terram cum vinea foris hanc a deo
conserbatam salernitanam civitatem in loco cerbaricia propinquo litore maris, que est per fines
et mensuras iuxto passu hominis mensuratas: A parte meridiei finis via publica, et intra ipsam
terram prope ipsam viam recte mensurati passi quinquaginta quinque: A parte orientis est
finis alia via, et intra ipsam terram prope ipsam viam recte mensurati passi septuaginta tres:
A parte septentrionis est finis ipsa via et ducit inter hanc terram et alteram terram pertinentem
suis propinquis et aliorum, et intra istam terram prope ipsam viam recte mensurati passi alii
quinquaginta quinque: A parte occidentis recte mensurati passi octoginta. Et integram medietatem
de unum ex duobus molinis que .... destructa sunt, que edificate fuerunt in isclis et
aqua de fluvio lirino a super et non longe ab ecclesia Sancti Viti que ibi construncta est, ubi
proprio ……. dicitur, et isclis, in qua ipsa molina constructa fuerunt. A parte orientis
coniuncta est ad albeum suprascripti fluminis, et parte occidentis ad via pubblica que ......
omnibus aliis isclis et arcaturiis et aquis et lebatio et depositio aquarum ex ipsis molinis et
cum medietate de omnibus pertinentiis de uno ex eisdem molinis ..... et quartam partem de
tota ipsa iscla in quam ipsa molina, ut dictum est, constructa fuerunt. Et de ipsa terra cum
vinea per suprascriptas fines et mensurias et de ipsa medietate de tota .... unum ex ipsis
duobus molinis et de tota quarta parte de ipsa iscla in qua ipsa molina constructa fuerunt, et
de omnibus aliis isclis quibus superius nominate sunt et arcaturis ex aquis et lebatio et depositio
aquis et de omnibus pertinentibus de ipsa medietate; de toto ipso molino pertinentibus quartam
partem pertinere dixerunt ipsi mirande per suum scriptum morgincap ei ab ipso viro suo dato
alia die eorum copulationis, et tres partes ipsi petro viro suo, et volebant illud comuniter
suprascripto petro atrianense venumdare. Et obserbans ea que in langobardorum regum edicto
scripta sunt de muliere que res suas consentiente viro suo aut communiter venumdare voluerit,
fecerunt illut notitiam duobus propinquis de ipsius mirande parentibus, et in mea et ipsorum
parentum presentia ipsa miranda violentia aliquam se pati non reclamavit, nisi bona sua voluntate
ipsa quarta parte sua sibi, ut dictum est, pertinentem se dixit venumdare, ut ab hoc die
omni tempore hoc quod vendiderit stavile debeat permanere. Et ego in hac cartula manus ponam
quam iohannes scriba cum notitia ipsorum parentum et mea scribere presumit. His ita finitis,
sicut ipsis petro et mirande vir et uxor congruum fuit, bona eorum boluntate, per convenientiam
per hanc cartulam comuniter venumdederunt ipsi petro sfagilla totam et integram suprascriptam
terram cum vinea per iamdictas fines et mensuras, et integram medietatem de totum unum ex
ipsis duobus molinis et integram quartam partem de tota ipsa iscla, in quam ut dictum est
ipsa molina constructa fuerunt, et integram medietatem de omnibus ipsis isclis et arcaturiis et
aquis et de lebatio et depositio de aquis et de omnibus pertinentiis ipsi molino pertinentibus,
et cum omnibus que in nostra illud sunt cunctisque suis pertinentiis et cum vice de ipsis viis
et de aliis viis earum. Ea ratione, ut totum et integrum illud quod ei, sicut suprascriptum est,
venumdederunt, sit semper in potestate ipsius petri atrianensis et heredum eius. Et liceat illum
et eius heredes de eo facere quod voluerint. Et propter confirmationem huius venditionis ipsi vir
et uxor petrus et miranda susceperunt ab ipso petro atrianense statutum pretium auri tarenos
bonos ex moneta amalfitanorum quadringentos in omni deliberatione, sicut inter eos convenit.
Et per convenientiam ipsi vir et uxor petrus et miranda, tamen ipsa miranda cum consensu
et voluntate ipsius viri et mundoalt sui cum cuius consensu et voluntate omnia que in hac
cartula scripta et scrivenda sunt fecit, comuniter guadiam ipsi petro atrianense dederunt et
fideiussorem ei comuniter posuerunt ademarium comitem filium quondam landolfi comitis. Et
per ipsam guadiam ipsi vir et uxor petrus et miranda comuniter obligaverunt se et suos heredes
semper defendere ipsi petro sfagilla et illius heredibus integrum illud quod ei, sicut suprascriptum
est, venumdederunt ab omnibus hominibus. Et comuniter tribuerunt ei licentiam, ut
quando ipse petrus atrianensis et suos heredes voluerint, potestatem habeant illud per se defendere
qualiter voluerint cum omnibus monuminibus et rationibus quas de eo ostenderint. Et
si sicut superius scriptum est ipsi vir et uxor petrus et miranda et eorum heredes ipsi petro
sfagilla et eius heredibus non adimpleverint, et suprascripta vel ex eis quicquam removere
aut contradicere presumpserint, per ipsam guadiam comuniter obligaverunt se et suos heredes
componere ipsi petro atrianensis et illius heredibus ducentos auri. solidos constantinos. Et sicut
superius scriptum est adimplere. suprascripto disturvato legitur atrianensis. Et taliter tibi iohanni
notario scribere precepi.
+ Ego qui supra petrus iudex.
| |