|
+ In nomine domini tertiodecimo anno principatus domni nostri Guaimarii glorioso
princeps filius quondam domni guaimarii principis, mense magius, quartadecima indictione.
In sacro salernitano palatio ante supradicta gloriosa potestatem adessem ego grimoaldus
comes et iudex, venit infantem infra etatem nomine iohannes filius domni visantii qui
habebad causam cum guaiferi filio quondam atenolfi. Nos fecimus parentes ipsius propinquos
venire et accessimus aput locum, iusta institutionem legis, cum ipsis parentibus, ut
deliberaretur causam ipsa per iustitiam et fecimus illut eorum notitia. Quo acta, causavit
ipse infantem cum advocatorem eius, cum cartula quod in manum tenuit, dicendum, ut ipse
guaiferi malo hordine introisset in terra et case pertinentem ipsius infanti de intus ec
cives, et fobee et edificium ibi fecisset, et de ipsa casa et clusamen quod in ipsa casa habuit,
disturbasset. Et illut eidem infanti quod per ipsa cartula pertinente, contrasset, et in
rebus eius a foras hanc cives similiter malo hordine introisset, et fobee ibi fecisset, et arbores
et vites inde abscidisset, et frugium inde tulisset, et rebus quod eidem infanti pertinentem
est per ipsa cartula, ei contrasset, et illut ei remobisset: ipse guaiferi dixit nescire
inde ei respondere sine advocatore. ego supradictus comes et iudex iudicavi et predicto
guaiferi cum ipsum infantem guadiare feci, ut ipse guaiferi plicaret se cum advocatorem
et respondere ipsius infanti, tamen ipse infantem siad cum advocatorem ex illut,
unde superius causavit ipsum infantem, et secundum legem inter se inde finem facerent.
Unde ipse guaiferi posuit mediatorem iohannes comes filius quondam adenolfi comiti et
iudici, et ipsum infantem posuit mediatorem adelbertus comes filius quondam alfani. Et
pro parte ipsius infanti scripsi ego iohannes notarius.
+ Ego qui supra grimoalt comes et iudex.
| |