In nomine domini dei salvatoris nostri ihesu christi imperante domino
nostro constantino porfirogenito magno imperatore anno tricesimo. sed et
romano socero eius magno imperatore anno quintodecimo die vicesima
quarta mensis aprilis indictione undecima syrrenti: Certum est me gregorium
filium quidem domini iohannis militis una cum consensu et voluntate
domine anne honeste femine genitrici mee. a presenti die et tempore
pro medelle et salvationis anime mee que hic etiam et in futuro seculi
mihi omnipotens deus retribuat: Offero et contrado tivi domino iohanni
venerabili abba presbytero monasterii insule ruviliane. et per te in suprascripto
sancto ac venerabili vestro monasterio posterisque vestris sanctaque
eius congregatio presentibus et futuris in sempiternum pro redemptionis anime
mee: Idest integram omnem meam hereditatem quantum mihi obvenit a
quidem suprascripto domino iohanni genitori meo. hoc est domus seu hortua
quamque casalibus seu terris sationabilibus movilium et immovilium seseque
moventibus mihi pertinentes. In quo hec sunt nominatiba suprascriptas domos
meas hereditas de intus vel foris domos seu casales sive de massa puplica seu
et de planitias una cum campis silvis montis collis silivis pascuis cesinis
castanetis quercetis cultum vel incultum cum arvoribus fructiferis vel infructiferis
cum introitas et viis suis et omnibus ad suprascriptas integras hereditate
suprascripti genitori mei pertinentibus: seu offero tibi et sex uncias de falcidium
quidem suprascripte domine anne honeste femine genitrici mee quod ipsa
mihi largivit unde alias sex uncias offertas habet suprascripta genitrix mea in
monasterio insule salvatoris. et ipsa prenominatas sex uncias de suprascripto
falcidio quod tibi offeruit sit in potestate suprascripte domine anne honeste
femine genitrici mee diebus vite sue ad fruendum et commedendum regendum
et gubernandum et post transitus suprascripte genitrici mee revertur in
suprascripto monasterio: seu offero tibi et sex uncias de omnem hereditatem
suprascripte domine anne honeste femine genitrici mee de intus vel foris
domos seu casalibus tam de territorio syrrentino quamque et de territorio
langavardorum una cum introitas et viis suis et omnibus eis pertinentibus.
et cum sex uncias de omnem movilem suprascripte genetrici mee: hec omnia
sicut superius legitur sit tibi offertum atque contraditum ut in vestra posterisque
vestris suprascripto sancto vestro monasterio eiusque congregationis
monachorum sint potestatem qualiter de eo facere volueritis. in ea bidelicet
rationem ut si domino placuerit et ego concussero ad sacrum hordinem
monachorum. tunc et vos me suscipere debeatis et me monachum facere
et habere sicut unum de monachi vestri cinobiali ad omni vestimento
et calciamento. et ego in omni obedentiam esse debeo ut regula sancti
benedicti abbati docent. quavis chartula offertionis aut testamentus vel dispositionis
chartula inbenda dederis quasi a me factam sit modis omnibus inanis
et vacua nullam in se habeat rovorem firmitatis: solummodo presens hanc
chartula mea firmissima offertionem in omnibus ut continet sint firma et
stavilis in perpetuum: et si quispiam personam a iure et proprietatis suprascripti
monasterii aliquod exinde subtrahere voluerit per quibuscumque
modis tunc ille qui ausus fuerit illut penetrare sive potens vel inpotens
tunc sub anathematis binculis maneant a tricentos decem et octo patrum.
et partem possideant cum iuda traditorem domini nostri ihesu christi. et
insuper componat in suprascripto monasterio eiusque congregatio ipse vel
suis heredes qui contra hanc chartulam offertionis quesierint venire auri
libras duas bytianteas et hec presens meam offertio in omnibus ut continet
et super legitur sit firma imperpetuis temporibus: Quam offertionem
a me facta pretiosum presbyterum et notarium scribere rogavi per indictione
suprascriptam undecimam: Hoc signum + manus suprascripti gregorii
cum consensu suprascripte anne honeste femine genitrici sue quod ego qui
suprascriptos ab eis rogatus pro eis subscripsi per indictionem suprascriptam
undeciman suprascriptas sex uncias de suprascripta hereditate suprascripte
domine anne honeste femine genitrici mee sicut superius legitur sit in potestate
suprascripte genitrici mee omnibus vite sue diebus ad fruendum et
commedendum regendum et gubernandum et post eius transitum revertatur
in suprascripto monasterio.
+ Ego gregorius filius domini iohannis rogatus a suprascriptis genitrici
et filio testis subscripsi.
+ Ego petrus filius domini stephani rogatus a suprascriptis genitrici
et filio testis subscripsi.
+ Ego iohannes filius domini leonis rogatus a suprascriptis genitrici
et filio testis subscripsi +
+ Ego pretiosius presbyter et notarius sancte ecclesie syrrentine complevi
per indictione suprascripta undecima
|