|
+ In nomine domini vicesimo nono anno principatus domni nostri gisolfi gloriosi principis,
mense aprelis quinta indictione. memoratorium factum a me gregorius presbiter et abbas ecclesie
sancti maximi et una mecum guiso subdiaconus et notarius advocatorem meum, eo quod ante
presentia maioni castaldi et ante aliis subscribti testes laborandi et pastenandi ordine tradidimus
amati filius adelgrimi de locum nuceria duabus pecie de terra campense, quem prephata ecclesia
abet in eodem locum nuceria ubi proprio ad puteum regente dicitur. una ex dicte ipse pecie
abet finis: a meridie quomodo ipse . . . de eodem locum nuceria, est ibidem
latitudo passi quindecim et medium: ab occidente, qualiter limite et sepe discernit, fine ipsius
amati: a pars septemtrionis similiter fine sancte marie, quem ipse amatus ad pastenandum retinet,
est inde latitudo passi tridecim et medium: ab oriente similiter fine sancte marie, quem
ipse amatus retinet ad pastenandum, et est per longitudinem ab ipso fluvio usque ad fine prephate
sancte marie passi quadraginta octo. et ipsa alia pecia abet finis: a meridie fine ipsius
amati, qualiter media sepe discernit, est ibidem latitudo passi viginti duo et medium: ab occidente
via antiqua: a septemtrione fine sicaite, est inde latitudo passi triginta: ab oriente fine
prephate sancte marie, et est per longitudinem a fine ipsius amati usque ad fine ipsius sicaite
passi quinquaginta quatuor. hec vero predicte duabus pecie de terra per supradicte finis et mensuria,
qualiter ad iusto passum homini mensuratum est, tote et integre ipsius amati tradidimus.
unde per bonam convenientiam guadia nobis ipse amatus dedit et seipsum mediatorem nobis posuit,
et apposuit nobis ad pignerandum omnis pignera sua legitima et inlegitima, tali ordine,
ut amodo et dum ipse amatus et eius voluerit, liceat illis tenere ipse duabus pecie de terra ad
suam potestatem et fovee et omnis suas utilitatem ibidem facere, et amodo et usque novem anni,
qualiter meruerit, eas arboribus et vitis plantare et propaginare et cultare de super et de subter,
ut bene pareat laboratum, et omnes fruges et labores inde tollere, et nullam sortionem inde eis
tollere queramus. ad ipsi namque novem anni completi ipse amatus vel eius eredes abeant
ipse duabus pecie de terra infra nominate finis et mensuria pastenate arboribus et vitis et factum
ibidem arbustum vitatum, quomodo de tantos annos locus ipse meruerit, et iam in antea, dum eos
tenere voluerint, ipse amatus et eius eredes omne annum eos suis temporibus, qualiter meruerit,
laborare et propaginare et cultare de super et de subter ut bene pareat laboratum, et omne
annum per novum tempore pars eidem ecclesie sancti maximi scire facere, et nos vel pars eidem
ecclesie omne annum se ad ipsa vindemia plicare et illis eos vindemiare, et ipsum nostrum hominem,
quem ad ipsa vindemia steterit, illis eum ad sua bibendum abere, dum ad ipsa vindemia
steterit, et totum ipso vinum et ipso terraticum in tertiam partem nobiscum vel cum pars eidem
ecclesie dividere: illis inde tollat due sortionis, et pars prephate ecclesie unam sortem; et ipsa
sortionem, quem de predictum vinum ad pars eidem ecclesie evenerit, illis eos adducere usque
ipsum cellarium sancti maximi ad ipsi parieti de locum nuceria, et a quo noluerint in predicta
ratione eos ad laborandum tenere, tunc ipse duabus pecie de terra cum arboribus vitatis remittere
ad potestatem prephate ecclesie. quod si omnia, que supra legitur, nobis vel ad nostros
successores et ad pars eidem ecclesie non adimpleverit, hobligavit se per eadem guadia et filiis et
eredes suos ad componendum nobis vel ad pars eidem ecclesie sibe ad successores nostros decem
aurei solidos constantinos.
+ ego guiso subdiaconus et notarius interfui et hunc brebem scribsi
+ ego qui supra maio
+ ego iohannes
+ ego maraldus subdiaconus et notarius interfui
| |