|
396.
In Dei nomine. Anno dominice incarnationis MClxxxii, Frederico imperante, mense
aprelis, indictione xvª. Manifesti sumus nos prior Placitus camaldulensis et dominus
Guido et Albertus vel Maurus prior de Angare et Guilielmus abbas de Pratalia, qualiter
per hanc cartam pignoris tradimus et concedimus vobis Gerardino de Piero et
Buoso de sancto Martino civitatis Aretine camarariis, recipientibus nomine ipsius Comunis,
silicet Montionem sive villani de Montione, cum suis pertinentibus: eo videlicet
pacto, ut si Anglarenses castrum de Anglare guarnitum vel startium non permicterent
habere civibus Aretinis ad intrare et exire et stare, sicut Aretini consules et camararii,
qui pro tempore erunt in ea civitate per Comune, et volent, et eis vel consulibus eorum,
silicet Anglarensium, per se vel per aliam personam ducent; vel si plateam vobis locatam
pro Comuni vestro vel hedificium in ea construendum Aretinis civibus per Comune
ipsi Anglarenses per Comune tollent vel contendent per se vel aliam personam, aut per
alios aut tolli vel contendi facient ani permictent, vel si amissum ad recuperandum non
adiuvarent et retinendum, vel si guerras per Comune habebit civitas Aretina, etiam Aretinos
suis expensis, idest Anglarensium, ipsi non facerent per Comune, sicut Aretini consules
et camararii, qui per Comune tunc erunt, aut per se aut per aliam personam, et eis
vel consulibus eorum significabunt vel precipient, et infra xxx dies post ex quo requisiti
fuerint ab eis vel ab alia persona pro eis, non emendaverint et fecerint ut eis precipient;
et si pacem non fecerint et tennerint per Comune omnibus quibus consules
Aretini et camararii, qui tunc per Comune erunt, per se vel per aliam personam eis
vel consulibus eorum precipient; et si xx casas vel domos per allodium in civitate
Aretina vel de foris a sancto Angelo de Archaltis in sursum non habuerint, scilicet
Anglarenses, a proximis kalendis agusti ad duos annos: quod si, ut supra dictum est,
non fecerint Anglarenses, vel contrafecerint, et non, ut dictum est supra, emendaverint,
sit licitum tunc consulibus et camarariis, qui erunt per Comune in dicta civitate, ingredi
in prefate rei pignorate possessionem sine nuntio potestatis et aliquo vinculo legis,
et possidere ac uti et fruì quoad vel donec Anglarenses predicta emendaverint. Quod
si in aliquo exinde contra vos aut vestros successores nos vel nostri successores presumpserimus
agere, causari, per placitum aut extra fatigare, vel si omni tempore ab
omni persona eam rem vobis non potuerimus defendere, tunc dare promictimus vobis
et vestris successoribus pene nomine C libras bonorum denariorum. Unde hanc cartam
fieri rogavimus. Actum in comitatu Aretii et prope podium de Anglare feliciter.
Signa manus Ranuccii de Bacca, Boni Guelfredocti et Arengarii, Gerardini Ranuccii,
Aguraççi et Rainaldi Bostole, qui ultimi quatuor tunc erant consules Aretine civitatis,
testium.
Ego Rolandus iudex et notarius scripsi rogatus et complevi.
Ego Marsupinus notarius quondam Rainerii Giravalle, sicut inveni in dicto libro Comunis,
ita hic subscripsi et exemplavi, nichil addens vel minuens.
| |