|
+ In nomine domini vicesimoprimo anno principatus domni nostri gisulphi gloriosi principis,
mense iulio, quintadecima indictione. Ante me petrum iudicem muscatus presbiter et abbas
ecclesie sancte sofie, que constructa est intra hanc civitatem secus plateam, que ducit ad fistulam
et ipsa ecclesia cum omnibus rebus stavilibus et mobilibus ipsi ecclesie pertinentibus
heredibus paldulfi pertinentibus tradidit iohanni filio quondam petri massoti de terris ipsius
ecclesie, que sunt supra ipsam ecclesiam cum aliquantis partibus fabricatis, que est per fines
et mensuras iusto pede manus hominis mensuratas. A parte occidentis est finis anditum, et pedes
quattuordecim et medium. A septemtrione est finis ipsum anditum, et fines strectula ipsius ecclesie,
et pedes viginti quinque et planta. Ab oriente est finis paries fabricatus ipsius ecclesie,
et per eam iuxta ipsum parietem mensurati pedes quindecim. A meridie est finis anditum
ipsius ecclesie et pedes viginti duo: Ut amodo completis viginti annis ipsi iohannes et eius
heredes suprascriptam terram cum vice de ipsis anditis sua potestate teneant, foveas et omnes
suas utilitates iusta ratione ibi faciant, et in eam casam construere faciant qualiter voluerint, et
in ipso Andito a parte meridiei menianum faciant et habeant in alto iusta ratione, et in ipsa
casa resideant et habitent. et si voluerint illam vel ex ipsa aliis quibus voluerint ad tenendum
et residendum usque completos ipsos annos tribuant et illam et eius heredes et qui ab eorum
parte, ut dictum est, tenuerint, licentiam habeant intra ipsos annos illam conciare et cooperire
qualiter voluerint. et stillicidia in ea faciant uno in parte septemtrionis extra ipsas mensuras
et aliud in parte meridiei in ipso andito faciant et habeant quicquid tributum et dationem ex
ea tollere et habere potuerint, sibi habeant et faciant ex eo quod voluerint. Tantum per omnem
annum in initio ipsorum annorum ille et eius heredes dent ipsi abbati et parti ipsius ecclesie
tributum pro suprascripta traditione auri tarenos quattuor ex moneta tunc in hac civitate puplice
formata, ad faciendum ex eis quod voluerint. Nunc vero pro presenti anno tribuit ei ipsos
tarenos. Completis vero ipsis annis ille et eius heredes licentiam habeant ipsam casam disturbare
et tollere tota lignamina et alias res suas et facere ex eis quod voluerint, et remittent
partem ipsius ecclesie ipsam traditionem cum parietibus fabricatis a parte occidentis et septemtrionis
sicuti modo sunt. Et per convenientiam ipse iohannes guadiam ipsi abbati, dum idonei
interessent homines, dedit et fideiussorem ei posuit petrum sutorem filium quondam iohannis.
Et per ipsam guadiam obligavit se et suos heredes, si, sicut superius scriptum est, ipsi abbati
et parti ipsius ecclesie non adimpleverint, et suprascripta vel ex eis quicquam removere aut
contradicere presumpserint, comprehendere ipsi abbati et parti ipsius ecclesie triginta auri solidos
constantinos. Et taliter te romoaldum notarium scribere precepi.
+ Ego qui supra petrus iudex.
| |