|
+ In nomine domini tertiodecimo anno principatus domni nostri iohanni et octabo anno
principatus domni guaimarii eius filio gloriosi principes, mense iunius nona indictione. memoratorium
factum a me iaquintus clericus filius gaudiosi, eo quod ante supscripti testes per largietate
et absolutione domni maioni archidiaconi ecclesie sancti maximi, situs intus hanc salernitanam
cibitatem, et ipse abbas est unum de dominii ipsius hecclesie, una nobis adesset aghernardus
notarius adbocatorem predicte hecclesie, per bona combenentia ad laborandum et pastenandum
tradidimus ursi filio petri qui dicitur pappacena, de rebus predicte ecclesie pertinentem,
quem ego in beneficium teneo a pars ipsius hecclesie in finibus nuceria ubi agella
dicitur, que sunt pecie tribus: due ex ille sunt arbustate et alia est bacua, et castanietum ibidem
coniuntum in quo aliquante insites sunt. et est una ex ipse pecie de terris cum arbustis
per mensuria: a partibus orientis passi biginti quinque, et a septemtrionalis abet passi
sexaginta unum, et ab occidentis passi triginta unum, et a meridie passi sexaginta tres. et
ipsa alia pecia de terra cum arbustum a septemtrionalis abet passi triginta duo, et a pars occidentis
passi sexaginta sex, et a meridie passi triginta sex, et ab orientis sunt passi sexaginta,
et ex omni parte sunt coniunte ad fine rebus predicte hecclesie. iste pecie de terris
cum arbustis tradidi ei ad laborandum tali ordine, ut amodo et semper ille et eius heredes
ipso arvustum sue potestatis tenere et dominare, et fobee et omnis sue utilitati ibi facere
rationabiliter, et de quod ibidem seminaberint, deant nobis inde terraticum secundum consuetudinem
de ipso locum, et annualiter abtis temporibus ambo suprascripte pecie de terris
cum arbustis potare, propaginare, sculciare, et cludere, et ubi meruerit, arbores et bites
plantare, et sic totum eos de super et de supto laborare, sicut locus ipse meruerit, quatenus
proficiant et non dispereant, ut totum bene paread laboratum et cultatum; et annualiter per
vindemie faciant nos vel pars ipsius hecclesie scire, ut dirigant ibidem missum suum, et
illis totum ipsum arbustum bindemiare, et totum ipso vinum ibidem ad palmentum et omnis
poma exinde per tempore per medium equaliter dividere: pars ipsius hecclesie tollant illut
medietatem, et ille medietatem. Et ipsa alia pecia de terra vacua qui est coniunta ad predicto
castanietum, quod ei ad pastenandum abellanietum tradidi in ipso locum agella, per hec
mensuria: ab orientis abet passi quinquaginta duo: a septemtrion passi biginti septem et medium
passum: ab occidentis passi quinquaginta, et a meridie passi biginti duo et pedem
unum et planta: tota suprascripta mensuria mensurata est ad passum qui signatum est in obsida
hecclesie sancti marcelli situs ante ipso castello betere de nuceria. hista pecia de terra bacua
cum ipso castanietum qui est ibidem a super coniuntum, et cum ipsi insites, inclitum, ut
diximus, illut ei tradidi tali ordine, ut amodo et semper ille et heredes eius ipso castanietum
et tota ipsa terra bacua per ipsa mensuria sue potestatis tenere et dominare, et omni tempore
abitare in una de ipse pecie de ipsis rebus, qualis eorum placuerit, et in tota ipsa terra bacua
per ipsa mensuria pastenare abellanietum, ut amodo et usque decem anni completi perfectum
abellanietum factum et cultatum abeant, sicut de tantos annos in ipso locum meruerit;
et a quo parutus sit, ut abellane inde colligere, tunc per omnis annum amodo et semper ille et
eius heredes ille colligere et seccare et tertiam partem secche exinde ad missos nostros dare, et
annualiter colligere ipse castanee et tertiam partem secche similiter ibidem ad missos nostros
dare, et amodo et usque quinque anni completi insitare quantum melius potuerit de ipso castanietum,
et quante insites inde collexerit, sibe de ille quomodo ibi sunt, sibe de ille quod
insitaberit, medietatem secche ibidem ille nobis deant seu ad misso nostro; et quantum de ipso
castanietum non potuerit insitare usque ipsi quinque anni, potestatem abeant pars ipsius hecclesie
alteriis illut ad insitandum dare, et quale missum nostrum illuc direxerimus pro ipsa
nostra sortione de omnia quantum supra diximus, illis autem eum notrire rationabiliter secundum
suam possibilitatem, donec pro ipsa sortione nostra recipiendum ibi steterit, sibe
si nos ibidem yerimus pro eo; et si boluerimus ibidem reponere annualiter ipsa nostra sortione
de ipso vinum, demus eorum horganeo bonum da vinum, et ille eum recipere et conciare
et reponere in applictum coniuntum ad reditum in quo ille abitaberit, et faciant illut salbum,
donec illut inde tulerimus absque degeneratione et ingne, et donec steterimus nos aut
misso nostro pro ipsa sortione nostra recipiendum, resideamus in ipso applictum, sicut meruerit,
et ibi maneamus. et si da ipsi decem anni in antea noluerint ipsa tota suprascripta tradictio
tenere per supradicto ordine, licead illum et heredes eius cum uxoribus et filiis et hominibus
eorum inde exire et excotere inde omnis redita et palmenta et omnis illorum causa, et
pergere cum eo ubi boluerint, et tota et inclita suprascripta rebus ebeniad ad potestatem pars
ipsius hecclesie, et ipso organeo nobis retdant; et si antea quam illut dimiserint, de ac terra
salernitana exierint aliubi ad abitandum, si infra tribus anni fuerint rebersi, tunc, si illis boluerint,
ipsa rebus in predicto ordine ebeniant ad eorum potestate; et si infra tres anni rebersi non
fuerint, non querant amplius ipsa rebus tenere: tamen, si noluerimus, donec illut tenuerit, reponere
ipso vinum ibi, portarent ipsa nostra sortione usque cellario ipsius hecclesie da ipsi pariti
in ipsa fines nucerie. de qua per bona combenientia guadia nobis ipse ursus dedit et mediatorem
nobis posuit se ipsum et petrus de ayrole, ubi caprile dicitur, filius ermengari; et per ipsa
guadia obbligavit se et suis heredibus, ut si aliquit de omnia suprascripta contradixerit et talia
nobis et a pars ipsius hecclesie non adimpleberit, per ipsa guadia componere hobligavit se et
suis heredibus nobis et ad partibus predicte hecclesie quinquaginta auri solidos constantinos. et
hunc brebem scripsi ego superius dictus aghenardus notarius.
+ ego grimoalt
+ ego andreas
+ ego petrus me subscripsi.
| |