|
+ In nomine Domini. Vicesimo sexto anno principatus
domni nostri Gisulfi glorioso principi, mense
agustus quinta indictione. Ego Alerisius filius quondam Miri
iudici ante Petrum iudicem prestitui Petri iudici filio quondam
Grimoaldi quinquaginta auri tari voni, et probter oc per
combenientiam probter fidem de ipsi tari obligavit michi
inclita sortione sua de trex pecie de terra, due cum abellaneto
et altera cum arbusto bitatum quod illut abet in finibus
Nucerie ubi Puciano et a la Binata dicitur, que sunt per finis
et mensuras iusto passu ominis mensuratas. prima pecia
de pede da parte sebtemtrionis passus biginti sebtem;
a parte occidentis passus quadraginta nobem; revolbi
in parte occidentis passus duodecim, et revolbit in
parte meridiei passus centum biginti sex; a parte meridiei
fine medio limite passus biginti octo; a parte orientis
passus sexaginta sex, revolbi in parte orientis passus
duodecim, revolbi in parte sebtemtrionis passus duodecim.
alia pecia de pede a parte sebtemtrionis passus
duodecim; a parte orientis passus quinquaginta sex; a parte
meridiei fine suprascripto medio limite passus tridecim;
a parte occidentis passus alii quinquaginta sex.
tertia pecia cum arbusto que est coniunta in capite de ambe
iste pecie per ec finis: de pede a parte sebtemtrionis
fine suprascripto medio limite passus triginta nobem; a
parte occidentis passus centum triginta sex; a parte meridiei
fine medio limite passus sexaginta duo; a parte
orientis passus quadraginta duo, revolbi in parte orientis
passus sidecim et revolbit in parte sebtemtrionis passus
biginti duo et revolbit in parte orientis passus duodecim
et revolb[it] in parte sebtemtrionis inde passus octuaginta.
de ec vero suprascripta rebus per iamdictas finis et
mensuras prius inde illut scebtuabit de biginti partibus
unam partem et de ipse decem et nobem partibus quod
remanet tradidit illut inde michi inclita una tertiam partem
cum omnia infra se abentes et cum bice de bie sue. tali ordinem
ut amodo et usque duobus anni completi et menses
nobem inclita ipsa tradictio ego et meis eredibus
illut lavoremus, fobee e omnes nostre utilitatis ibi faciamus
ut iustum est, et quicquit fructus quod inde exierit de
super et de subtus inclitum illut nobis abeamus faciendi ex
eo quicquit voluerimus. completo autem ipso constitutum obligavit
se ipsi Petrus et eredum illius retdere nobis nostrisque
eredibus de propia sua causa alii quinquaginta auri tari
voni de vona moneta ut sine iunta illut dare possamus, et
ipsa tradictione ei remidtamus; tantum si frudium ibi abuerimus
illis diebus, liceat nos illut inde excutere suo tempore
faciendum quod voluerimus, et si in iamdictum constitutum
ipsi tari sicut suprascriptum est minime nobis retdere potuerit,
ab inde in antea omni tempore ego et meis eredibus securiter
et firmiter illut abeamus inclita ipsa tradictione cum
bice de bie sue faciendum ex eo quicquit voluerimus. et amodo
et semper ipse Petrus et illius eredes inclita ipsa tradictione
nobis nostrisque eredibus cum bice de bie sue defenset
da partibus uxoris sue et ab omnibus ominibus omnique
partibus, et quando voluerimus ego et meis eredibus
potestatem abeamus modis illam defendere qualiter voluerimus,
cum omnibus moniminibus et rationibus quas inde ostenderimus;
et per combenientiam guadiam michi ipse Petrus dedit
et fidemiuxorem nobis posuit seipsum per abposita nobis
nostrisque eredibus at pingnerandum et compreendendum
omnes pingnera et causam suam legitimo et inlegitimo, et
per suprascripta guadia obligavit se et suis eredibus quod, si
taliter omnia suprascripta nobis nostrisque eredibus non
adimpleverint et aliquit exinde contradixerint, per ipsam guadiam
obligavit se et s[uis eredi]bus componere nobis nostrisque
eredibus et cui oc scriptum in manum paruerit triginta
auri solidos const[antinatos] et suprascripta nobis adimpleret.
due cartule unius tenoris inde scribere fecimus, [an]c quam
quod ipse Petrus michi emisit, et alteram sue potestatis tenet.
et illut qui est disturbatum legitur biginti sebtem.
Quod scripsi ego Petrus protonotarius. S.
+ Ego qui supra Petrus iudex. S.
| |