|
+ In nomine domini quartu anno principatus domni nostri siconi et domni petri rectore eius
principis mense septembri secunda indictione. ideoque ego ermeperga filia ermemari interrogatas
et inquisita sum da lupu sculdais filio dacoaldi, ut ne aliqua violentia a viro meum nec a
nullo homine ego patere, set in eius presentia declarata sum pura et sinceras volumtate mea et
una cum ragenfrid viro meum filio radiperti et cum ursu filio fermosaci et boni filii ursiperti
propinquiori mei parentis et mundoaldi meis, qui mihi consentientes sunt secundum legem in
edicti pagine contine, una cum suprascripto viro meu et una per absolutione suprascripti radiperti
genitor et sociro nostro, vindedimus vobis, hidest maurici et lamedfrid germani fili leomari,
terra mea cum arbustu vitatu, quem habeo super bicum de locum barbattianu et propiu locum
nominatum ad arbustu; habent finis de uno latu fine terra de fili ermerissi et de fili aoderami,
et de uno capu fine terra alerissi fili aoderami, et de alio latu fine terra grisimperti et de fili
lupi, et de alio capu fine via pluvica. infra iste predicte fines quartam pars mea exinde vobis
qui supra germanis vindedi, qui mihi pertine de meum morcincaput de quodam dacipertu primu
anteriore viro meum filio pertoaldi; unde de nominata quarta pars nec mihi qui supra vinditrici
nec cuitlibet nihil remansit portione, set vobis germanis in integrum vindedimus possidendum
una cum inferiore et superiore suo. unde pro suprascripta nostra vinditione una cum suprascripto
viro meum recepimus finitum pretium ad vos suprascripti emptori mei auro beneventano
solidum unu et tremisse; eam ratione, ut ammodo et semper vos et heredes vestri predicta mea
vinditionem in integrum habere et possidere valeatis: et unde nos repromittimus qui supra vinditoris,
et heredes nostris conligamus vobis suprascripti emptoris nostri et ad vestris heredibus
exinde ab omnes homine inantistare et defendere. quid si minime nos vobis exindeque inantistare
potuerimus, vel sit nos ipsi per quodlibet ingenio retornare voluerimus, dupplo pretiu ipsu
nos vobis conponere promittimus, et quod aput vos remeliorata parueri ipsa nostra vinditio in
quadlibet parte, sub estimatione pretium in integrum nos vobis restituamus similiter in dupplo,
et de colludiu inde nos vobis iuremus ad dei evangelia. et iteru ego que supra ermeperga una
cum suprascripto viro meum dedimus vobis suprascriptis germanis emptori nostri et leoperti
barbane vestro ipsa cartula vinditionis, quam marinu filio ermemari ipsa cartula vinditionis
emissa habui pertoaldi filio tauri de ommnia rebus substantia sua tam de movile quam et inmovile
omnia et in omnibus; et ipsa cartula scripta est per cumpertu notarium in tertio anno principatu
domni sichardi mense aprili tertia decima indictione et roborata per scripturi a testibus
manibus sui edone persone; eo tenore vobis qui supra dedi ipsa cartula pro vestra defensione ad
abendum in vestra potestatem ammodo et semper securo nomine. sicut te gaidepertu notarium
taliter ut scribere rogavimus. actum barbattianu mense et indictione suprascripta feliciter.
signu manus suprascripte ermeperge et suprascripti viro eius qui ahanc cartulam fieri rogavi.
+ ego qui supra lupu me subscribsi
+ ego leo filio lunari teste sum
+ ego ermefreda presbiter teste sum
+ ego sindelpertus presbiter teste sum
+ ego rappertu filio mauriperti teste subscripsi
+ ego ramipertu filio contari teste sum
+ ego rappertus filio altemundi teste subscripsi.
| |