|
+ In nomine domini duodecimo anno principatus domni nostri iohanni et septimo anno principatus
domni guaimarii eius filio gloriosi principibus, mense martius hoctaba indictione. memoratorium
factum a me urso filio audoaldi, qui est commorantem in finibus nucerie, eo quod ante
presentia domni maioni archidiaconi et abbati ecclesie sancti maximi, et ibique ante eum astantibus
supscripti idoneiis testes, tradidit mihi iohannes presbiter filius petri terra cum arbustum,
quod pars ipsius ecclesie avet in locum nucerie quod ille in beneficium tenet per ec finis: de una
parte a septemtrionalis sicut medio aquario discernit, unde aqua fluminario discurrent: de supter
parte ab occidentis partibus fine de eredes erchemperti, sicut limite et sabuci et sepe discernit:
halia vero parte fine terra ecclesia sancti viti, quomodo derictum exiet iusta ipsa ecclesia sancti
viti qui ora de puteum pertinentem de ipsa terra cessante ab ora de ipso puteum: in parte meridie
pedes duos at manum, et sic derictum exiente usque at fine ipsius ecclesie sancti viti et inde
revolbente per ipsa fine in partibus septemtrionalis, sicut medio poiu et sabuci discernit, et iterum
revolbente per ipsa fine sancti viti in partibus orientis sicut limite discernit, et exiente derictum
per fine de eredes ipsius ermeperti et coniungente at fine de eredes ermengardi, sicut aliquantum
ibidem fundamentum de pariete anticu discernit: a pars orientis fine de eredes deodati, sicut
sepe et sabuci et limite discernit et coniungente in ipso aquario qui est priore fine. hec vero rex
per supradicte finis totum et inclitum illut et cum omnia intro se aventibus omnibusque suis
pertinentiis et cum vice de via sua mihi at laborandum et tenendum tradidit, tali ordine, ut amodo
et usque septem anni completi tota supradicta tradictione per ipse finis nostre potestatis tenere
et dominare, et fobee et omnes nostre utilitatis ibidem facere, et abto tempore ipsum arbustum
laboremus et cultemus, et ubi meruerit, arbores et vite plantare, et nos ibidem plantemus, et sic
illut laboremus de super et de supter, sicut locus ipse meruerit ut vene pareat lavoratum et cultatum,
quatenus proficiant et non dispereant; et per tempore de vindemie abto tempore vindemiemus
et faciamus scire pars predicte ecclesie, ut ibidem dirigat missum suum pro recipiendum
ipsa sua sortione, et ipso vinum ibique at palmentum et omnes poma exinde illut inter nos dividamus:
pars ipsius ecclesie tollat inde medietatem, et nos et nostris heredibus tollamus inde ipsa
alia medietatem, faciendum exinde omnia quod boluerimus: ipsa medietate de ipso vinum quod
at pars ipsius ecclesie ebenerit, portemus illa ibique in ipso locum ad ipsi pariti et pars ipsius ecclesie
atsingnare nobis organeum vonum, et nos ipso organeum conciemus, sicut meruerit, et reponamus
ibidem ipsa sua sortionem de ipso vinum, faciendum pars ipsius ecclesie omnia quod voluerit:
ipsum missum qui ibidem direxerit, dum ibidem steterit, nos illut nutriemus secundum
nostram possivilitatem. preter de quod annualiter ibidem seminaverit, deant in pars ipsius ecclesie
terraticum secundum consuetudinem de ipso locum. unde per bona combenientia guadia
mihi ipse iohannes presbiter per demandatione ipsius domni abbati dedi et mediatorem mihi
posuit amore clericus filius rolegardi; et per ipsa guadia obligabit se ipse abbas et successores
suos et pars ipsius ecclesie tota supradicta tradictione usque ipso constitutum nobis nostrisque
heredibus defensare da omnes omines omnique partibus, et sicut superius legitur. si autem etc.
et unc brebem scripsi ego alderissi notarius
qui interfui.
+ ego grimo presbiter et primicerius
+ ego maio presbiter et primicerius
+ ego iohannes presbiter et cardinalis
+ ego amatus me subscripsi
+ ego alfanus.
| |