|
+ In nomine domini septimodecimo anno principatus domni nostri waimari principis et filii
domni waimari imperialis patricii, mense nobembre tertiadecima indictione. ideoque ego walpertus
clericus filius bassaci, habitator in locum qui dicitur siano rotense finibus, bona etenim
mea voluntate pro salutis anime mee per hanc cartulam offero omnibus rebus substantiis meis
quod habeo in suprascripto loco siano, quam et ipso qui michi pertinet de gattone iermano
meo, seu et in locum qui dicitur arcufrancilli, castanietum et quertietum cum ipse plagarie sue
et cum omnibus suis pertinentiis in quacumque locis exinde de rebus mea inventum fuerit, in
montibus quam et in planis, in integrum et a funditus illud offero in ecclesia beati sancti maximi,
quod domnus waiferius princeps edificabit adque construxit intus hec civitate salerno, ubi
nunc deo fabente iohannes abbas regimen tenet. hec nostra rebus, qualiter prelegitur, in integrum
atque a funditus offero ego qui supra nominatus walpertus clericus cum inferius superiusque
suis abiacentiis et cum omnibus mobilibus adque pertinentiis suis, unde nec michi neque
ad alios homines nichil exinde reserbo portionem; ea namque videlicet ratione, ut amodo et in
perpetuis temporibus securiter et firmiter in ipsa sancta dei ecclesia permaneat et de suis rectoribus
pro nostre mercedis anime, et obligamus nos et nostris heredibus hista rebus ab omnis
homines antistare et defendere. quod si antistare et defendere noluerimus, aut per quavis ingenium
remobere quesierimus, ante omnia autem questio nostra sit vacua, et ita similiter tantum
ferquidum componere spondimus, et in antea ipsa rebus firmiter atque stabile permaneat in
ipsa sancta dei ecclesia atque de suis rectoribus, et cartula hista offertionis firma sit. quam te
sichelfrid presbiterum et notarium scribere rogabimus. signum manu walperti clerici qui ita
hec fieri rogabit.
+ ego walpertus presbiter me subscripsi
+ ego leomari presbiter me subscripsi
+ ego benedictus presbiter me subscripsi
| |