|
428.
|| Innocentius episcopus || servus servorum Dei venerabili fratri Amadeo aretino episcopo
eiusque successoribus canonica substituendis in perpetuum. In eminenti apostolice
sedis, disponente Domino, specula constituti, ex iniuncto nobis apostolatus offitio, fratres
nostros episcopos sincera charitate diligere, et ecclesiis sibi a Deo commissis suam
debemus iustitiam conservare; pro ipsarum quoque volumus statu satagere et earum
quieti et utilitati salubriter, auxiliante Domino, providere. Eapropter, venerabilis in
Christo frater Amadee episcope, rationabilibus tuis postulationibus gratum impartimur
assensum, et Aretinam ecclesiam, in qua beati martiris Donati sacrosanctum corpus requiescere
creditur, cui, Deo auctore, preesse dinosceris, ad esemplar predecessorum
nostrorum Paschalis pape secundi, ADRIANI pape quarti, CLEMENTIS pape tertii
et CELESTINI Pape tertii, sub beati Petri et nostra protectione suscipimus et apostolice
sedis privilegio communimus. Statuentes ut quascumque possessiones, quecumque
bona, eadem ecclesia in presentiarum iuste et canonice possidet aut in futurum, concessione
pontificum largitione regum vel principum, oblatione fidelium seu aliis iustis
modis, prestante Domino, poterit adipisci tibi tuisque successoribus illibata permaneant.
In quibus hec propriis duximus exprimenda vocabulis: Monasterium sancti Salvatoris
Camaldulense, monasterium sancte Marie de Pratallia, monasterium de Saxo, monasterium
de Silvamunda, monasterium de Campriano, monasterium sancti Viriani, monasterium
sancti Benedicti de Ficaiolo, monasterium sancte Flore, monasterium sancti
Abundii de Cruce, monasterium sancti Martini ad Pinum, monasterium sancte Trinitatis,
monasterium sancte Marie in Cicille, monasterium de Rofina, monasterium sancte Marie
p. 51
de Fullonica, monasterium de Fieri et heremum ipsius, monasterium de Giniceio, monasterium
de Avena, abbatiam de Curti cum omnibus ecclesiis quas monasterium de Farneta
habet in episcopatu aretino, monasterium Campileonis, monasterium sancte Marie in
Mammi, monasterium de Agnano, monasterium de Rota, monasterium Berardinghe, monasterium
sanctimonialium de Thoma, ecclesiam sancti Petri in Axo, monasterium sancti
Iusti in Rentinnano, monasterium sancte Crucis in civitate Aretina, monasterium sancti
Donati, monasterium sancti Thome et sancti Benedicti, monasterium sancti Angeli in
Arcalto, et omnes ecclesias quas predicta monasteria possident in episcopatu Aretino;
plebem sancte Marie in civitate Aretina, cum omnibus ecclesiis et pleberio ipsius;
plebem sancti Petri in Gropina, plebem de Petriolo, plebem sancte Marie de Altaserra,
plebem sancti Felicis, plebem sancti Marcellini in Brolio, plebem sancte Marie in Pacina,
plebem sancti Viti in Versure, plebem sancti Iohannis in Vescona, plebem sancti Victoris
in Rapolano, plebem sancte Agathe in Asciano, plebem sancte Marie in Pava, plebem
sancte Marie in Saltu, plebem sancte Marie in Cosona, plebem sancti Quirici in Osinna,
plebem sancte Marie in Sexta, plebem sancte Restitute, plebem sancti Viti in Corsignano,
plebem sancti Dona[ti] in [S]itilia[no], plebem sancti Val[en]tini, plebem sancte
Marie in Montepulitiano, cum omnibus ad eam pertinentibus; plebem sancti Constantii,
plebem sancti Petri in Mesulas, plebem sancti Stephani in Cinnano, plebem sancti Andree
in Malceno, ecclesiam de Perle, plebes alias Aretini episcopatus, omnes cum capellis suis
et omnibus canonicis et ecclesiis predictarum plebium; quicquid habet in castello et curte
de Laurentiano et in castello et curte de Tulliano, castellum de Penna, locum qui dicitur
Glandarino. In universa igitur Aretini episcopatus parrochia, episcopalis offitii debita
vobis et exhibenda et exigenda concedimus, ut in ecclesiis seu monasteriis correctiones
seu dispositiones iuxta moderationem canonice sanctionis et regularis institutionis exhibeatis.
Decimas et ceteros reddiius qui debentur ecclesie a populo exigatis, ut a pastore
gregi pascua debita et a grege pastori servitia debita ministrentur. Prohibemus
quoque ne ulli fas sit intra diocesim Aretinam ecclesiam vel oratorium, sine tuo vel
sine successorum tuorum assensu et licentia, de novo construere; salvis privilegiis romanorum
pontificum. Decernimus ergo ut nulli omnino hominum liceat prefatam ecclesiam
temere perturbare aut eius possessiones auferre vel ablatas retinere, minuere, seu
quibuslibet vexationibus fatigare, sed omnia illibata et integra conserventur eorum, pro
quorum gubernatione ac substentatione concessa sunt usibus omnimodis profutura:
salva in omnibus sedis apostolice auctoritate. Siqua igitur in futurum ecclesiastica
secularisve persona hanc nostre constitutionis paginam sciens contra eam temere venire
temptaverit, secundo tertiove commonita, nisi reatum suum congrua satisfactione correxerit,
potestatis honorisque sue dignitatis careat, reamque se divino iuditio existere
de perpetrata iniquitate cognoscat, et a sacratissimo corpore ac sanguine Dei et domini
redemptoris nostri Iesu Christi aliena fiat, atque in extremo examine districte ultioni
subiaceat. Cunctis autem eidem loco sua iura servantibus sit pax domini nostri Iesu
Christi, quatinus et hoc fructum bone actionis percipiant, et apud districtum iudicem
premia eterne pacis inveniant. Amen, amen, amen.
(R.) (M.)
p. 52
Ego Innocentius catholicae ecclesię episcopus ss.
† Ego Petrus tit. sancte Cecilię cardinalis ss.
† Ego Iordanus sancte Pruden(tiane) tit. Pastoris presbiter cardinalis ss.
† Ego Iohannes tit. sancti Clementis cardinalis Viterbiensis et Tuscanensis episcopus
ss.
† Ego Hugo presbiter cardinalis sancti Martini tit. Equitii ss.
† Ego Iohannes tit. sancti Stephani in Celio Monte presbiter cardinalis ss.
† Ego Soffredus tit. sancte Praxedis presbiter cardinalis ss.
† Ego Gratianus sanctorum Cosma et Damiani diaconus cardinalis ss.
† Ego Gerardus sancti Adriani diaconus cardinalis ss.
† Ego Gregorius sancte Marie in Ado diaconus cardinalis ss.
† Ego Gregorius sancti Georgii ad Velum aureum diaconus cardinalis ss.
† Ego Nicolaus sancte Marie in Cosmidin diaconus cardinalis ss.
† Ego Gregorius sancti Angeli diaconus cardinalis ss.
† Ego Petrus sancte Marie in Via Lata diaconus cardinalis ss.
† Ego Cencius sancte Lucie in Horrhea diaconus cardinalis ss.
† Ego Octavianus Hostiensis et Velletrensis episcopus ss.
† Ego Petrus Portuensis et sancte Rufine episcopus ss.
Datum Laterani, per manum Raynaldi domini pape notarii vicem [agen]tis cancellarii,
XVII kal. a[prilis], indictione prima, inca[rnationis] dominice a[nn]o M°. C°. XCVII,
pontificatus vero domini Innocentii pape tertii anno primo.
| |