|
In nomine domini dei salvatoris nostri ihesu christi. Nos Guaimarius, divina opitulante
clementia, langobardorum gentis princeps pro amore omnipotenti deo salutisque anime hac
patrie nostre salvationes, quam et per postulationem purpure principisse dilecte coniugi
nostre Concedimus et confirmamus tibi luca abbati monasterii sancta barbara, quod dedicatum
est in pertinentia de nobe finibus salernitanis, cum omnibus rebus pertinentes ipsius
monasterii, et cum molinum qui dedi.... est in flubio de ipsa bruca, et cum ipso castanietum
qui est in pede de monte qui vocad teborio, et cum ipsa cesina que est ulter
ipso flubio quod roncare fecit cosma abbas antecessore vestro. Ideo, ut diximus, inclitum
ipsum monasterium cum omnibus terris, seu silbis, et iamdictum castanietum, et predictum
molinum vobis concessimus, cum omnibus infra se abentibus omnibusque suis pertinentiis
et cum bice de biis suis, securiter vos diebus vite vestre illut abendum, dominandum,
possidendum et omnia de ipso frudium faciendum que volueritis. Et ha nostris iudicibus,
comitibus, castaldeis, vel a quibuscumque agentibus, nullam exinde patiamini molestationes,
set amodo et omnibus diebus vite vestre per hoc nostrum roboreum preceptum
predicto monasterio cum omnia suprascripta, et cum omni sua pertinentia, securo nomine
abere et possidere valeatis in iamdicta ratione; quod vero preceptum concessionis ex iussione
supradicte potestatis scripsi ego romoaldus in sacro palatio in anno septimo decimo
principatus supradicti domni guaimari gloriosi principis de mense iulio indictione tertia.
| |